Нарвежская ваенна-марская акадэмія
Каралеўская Нарвежская ваенна-марская акадэмія | |
---|---|
нарв.: Sjøkrigsskolen | |
| |
| |
Арыгінальная назва | нарв.: Sjøkrigsskolen |
Заснаваны | 27 кастрычніка 1817 |
Краіна | |
Размяшчэнне | |
Юрыдычны адрас | Берген, Нарвегія |
Сайт | forsvaret.no/sjokrigssko… |
Каралеўская Нарвежская ваенна-марская акадэмія (нарв.: Sjøkrigsskolen) — ваенна-марская вышэйшая навучальная ўстанова па падрыхтоўцы афіцэраў для ВМС Нарвегіі. Знаходзіцца ў раёне Лаксевог (Laksevåg) у нарвежскім парту Берген. Была адкрыта ў мястэчку Ставерн 27 кастрычніка 1817 г. Навучанне ў акадэміі працягваецца тры гады. За гэты час кадэты вывучаюць аператыўнае і тактычнае вядзенне баявых дзеянняў, матэрыяльна-тэхнічную частку флота, навігацыю, механіку і электроніку, эканоміку і камандна-кіраўнічыя дысцыпліны, і інш. Пасля заканчэння гэтага ваенна-марскога вучылішча кадэты атрымліваюць як вайскавое афіцэрскае званне, так і званне бакалаўра.
Гісторыя
[правіць | правіць зыходнік]У 1701 г. у Капенгагене была заснавана Каралеўская марская акадэмія (Søcadet-Academiet), якая выпускала марскіх афіцэраў для дацка-нарвежскага ваеннага флоту. 27 кастрычніка 1817 г. на аснове гэтай акадэміі ў Ставерне (Фрэдэрыксверне) адкрываецца Каралеўскі нарвежская марскі інстытут. У 1864 г. была заснавана яго вучэбная база ў Хортэне. Пасля акупацыі Нарвегіі нямецкімі войскамі ў 1940 г. акадэмія была пераведзена ў Вялікабрытанію, у Лондан (у 1941) і ў Эдынбург. Пасля заканчэння Другой сусветнай вайны знаходзілася ў Осла. У 1960 г. пераведзена ў Берген.
Вядомыя выпускнікі
[правіць | правіць зыходнік]- Солвейг Крэй, першая жанчына-камандзір падводнай лодкі