Убсунурская катлавіна
Убсунурская катлавіна* | |
---|---|
Uvs Nuur Basin** | |
Сусветная спадчына ЮНЕСКА | |
Здымак са спадарожніка | |
Краіна | |
Тып | Прыродны |
Крытэрыі | ix, x |
Спасылка | 769 |
Рэгіён*** | Азія |
Гісторыя ўключэння | |
Уключэнне | 2003 (27 сесія) |
* Міжнародная канвенцыя «ЮНЕСКА» ** Назва ў афіцыйным англ. спісе *** Рэгіён па класіфікацыі ЮНЕСКА |
Убсуну́рская катлавіна (басейн Убсу-Нур) — водны басейн возера Убсу-Нур, самы паўночны буйны замкнёны водны басейн у Цэнтральнай Азіі. Тэрыторыя басейна ўваходзіць у склад Манголіі (раён возера Убсу-Нур) і Расіі (запаведнік «Убсунурская катлавіна»). З’яўляецца прыродаахоўнай зонай у абедзвюх краінах. Агульная плошча аб’ектаў аховы прыроды ва Убсунурскай катлавіне складае 1068853 га.
Убсунурская катлавіна ўяўляе сабой паўночную частку катлавіны Вялікіх азёр, аддзеленую ад яе паўднёвай (вялікай) часткі адносна нізкім хрыбтом Хан-Хухійн-Нуруу (максімальная вышыня 2928 м над узроўнем мора) і яго заходнім працягам — хрыбтом Тагтохын-Шыл (максімальная вышыня 2357 м над узроўнем мора).
Працягласць Убсунурскай катлавіны з поўначы на поўдзень — 160 км, з захаду на ўсход — 600 км.
Раней Убсунурская катлавіна знаходзілася цалкам у складзе Манголіі, пакуль у 1932 годзе не было падпісана пагадненне паміж Мангольскай Народнай Рэспублікай і Тувінскай Народнай Рэспублікай, згодна з якім паўночная частка Убсунурскай катлавіны перадавалася Тыве.