Уладзімір Іванавіч Анцулевіч
Уладзімір Іванавіч Анцулевіч | |
---|---|
| |
Род дзейнасці | фізік, настаўнік, журналіст, палітык |
Дата нараджэння | 15 мая 1954[1] |
Месца нараджэння | |
Дата смерці | люты 2019 (64 гады) |
Грамадзянства | |
Месца працы | |
Альма-матар | |
Партыя | |
Член у |
|
Уладзімір Іванавіч Анцулевіч (15 мая 1954, в. Жытомля Гродзенскага раёна — 27 лютага 2019) — беларускі фізік, палітычны дзеяч, педагог.
Біяграфія
[правіць | правіць зыходнік]Скончыў фізічны факультэт БДУ (1976). Кандыдат фізіка-матэматычных навук па спецыяльнасці «Оптыка» (1989). Працаваў у Інстытуце фізікі Акадэміі навук Беларусі: стажор-даследчык, малодшы навуковы супрацоўнік, загадчык сектарам, навуковы супрацоўнік, старшы навуковы супрацоўнік (1976—1993). Настаўнік інфарматыкі гімназіі № 5 г. Мінска (1993—1996).
Быў актывістам Беларускага народнага фронту. Арганізоўваў выданне масавай перыёдыкі БНФ, ладзіў працу ў рэгіёнах[3]. У 1992 годзе ўзначаліў ініцыятыўную групу па правядзенні рэспубліканскага рэферэндуму па пытанні аб роспуску Вярхоўнага Савета і правядзенні датэрміновых выбараў паводле новага выбарчага закона. На працягу двух месяцаў групай было сабрана 442 тысячы подпісаў грамадзян Беларусі.
Член партыі Беларускага народнага фронту з моманту яе заснавання. Узначальваў выбарчы камітэт Беларускага народнага фронту, быў членам Сойму. У 1995 годзе выйшаў з кіраўніцтва БНФ з-за рознагалоссяў з лідарам. У 1996 годзе ўзначальваў грамадскую Камісію па назіранні за ініцыяваным А. Лукашэнкам рэферэндумам.
Сустаршыня Грамадскага навукова-аналітычнага цэнтра «Беларуская перспектыва» (1995—1999), навуковы сакратар Народнага ўніверсітэта — самай масавай праграмы «Беларускай перспектывы» (1997). Рэдактар аддзела часопіса «Мастацтва» (1996—1999).
Пасля вярнуўся да фізікі, дацэнт кафедры методыкі выкладання фізікі БДПУ, адначасова настаўнік гімназіі № 5.
Мае больш за 70 навуковых публікацый па фізічнай оптыцы. Выступаў у друку па грамадска-палітычных праблемах. Пісаў дапаможнікі, у якасці настаўніка фізікі сумесна з Вячаславам Навумавічам Чэрціным падрыхтаваў шэраг пераможцаў алімпіяд па фізіцы[4].
Зноскі
- ↑ а б в г д е Кто есть кто в Республике Беларусь — Białystok: Podlaski Instytut Wydawniczy, 2000. — С. 16. — 313 с. — ISBN 978-83-913780-0-7
- ↑ а б в Кто есть кто в Республике Беларусь — Białystok: Podlaski Instytut Wydawniczy, 2000. — С. 17. — 313 с. — ISBN 978-83-913780-0-7
- ↑ svaboda.org
- ↑ Чествование победителей республиканской олимпиады (руск.).
Літаратура
[правіць | правіць зыходнік]Уладзімір Анцулевіч: «Вучу студэнтаў вучыць гімназістаў. І наадварот». // Настаўнік. 13 (1097). 27 кастрычніка 2011.
- Асобы
- Нарадзіліся 15 мая
- Нарадзіліся ў 1954 годзе
- Нарадзіліся ў Гродзенскім раёне
- Памерлі ў 2019 годзе
- Супрацоўнікі Нацыянальнай акадэміі навук Беларусі
- Супрацоўнікі часопіса «Мастацтва»
- Выпускнікі БДУ
- Члены Партыі БНФ
- Памерлі 27 лютага
- Выпускнікі фізічнага факультэта БДУ
- Выкладчыкі БДПУ імя Максіма Танка
- Педагогі Беларусі
- Фізікі Беларусі