Альфрэд Блейлак
Альфрэд Блейлак (англ.: Alfred Blalock; 5 красавіка 1899 — 15 верасня 1964) — амерыканскі кардыяхірург, найбольш вядомы сваімі даследаваннямі стану шоку і распрацоўкай хірургічнай працэдуры шунтавання Блейлака — Таўсіг (сумесна з дзіцячым кардыёлагам Хелен Таўсіг).
Альфрэд Блейлак | |
---|---|
Дата нараджэння | 5 красавіка 1899[1][2][…] |
Месца нараджэння | |
Дата смерці | 15 верасня 1964[1][2][…] (65 гадоў) |
Месца смерці | |
Грамадзянства | |
Род дзейнасці | хірург, выкладчык універсітэта, навуковец, урач |
Месца працы | |
Альма-матар | |
Член у | |
Узнагароды | |
Член Нацыянальнай акадэміі навук ЗША (1945), замежны член Французскай акадэміі навук (1955).
Біяграфія
правіцьНарадзіўся ў Каладэне, штат Джорджыя, ва ўзросце 14 гадоў паступіў у ваенную акадэмію Джорджыі, якая была падрыхтоўчай навучальнай установай перад паступленнем ва Універсітэт штата Джорджыя, які ён скончыў ва ўзросце 19 гадоў са ступенню бакалаўра мастацтваў. Пасля гэтага Блейлак паступіў у Медыцынскую школу Джонса Хопкінса, якую скончыў са ступенню доктара медыцыны ў 1922 годзе. На працягу наступных трох гадоў стажыраваўся ў Балтымары ў галіне ўралогіі, оталарынгалогіі і агульнай хірургіі. З ліпеня 1925 года пачаў выкладаць ва Універсітэце Вандэрбільта, пачаўшы там жа лабараторныя даследаванні, праводзячы эксперыменты на сабаках, у галіне хірургіі і вывучэння прыроды і лячэння гемарагічнага і траўматычнага шоку; першым выказаў здагадку, што плазма крыві можа выкарыстоўвацца пры лячэнні траўматычнага шоку.
У 1941 годзе быў прызначаны галоўным хірургам бальніцы Джонса Хопкінса, дзе працаваў да 1964 года, пайшоўшы ў адстаўку толькі за два з паловай месяцы да смерці. У 1954 годзе быў узнагароджаны прэміяй Альберта Ласкера за даследаванні ў галіне клінічнай медыцыны. За сваё жыццё напісаў больш за 200 артыкулаў і кніг.
Зноскі
- ↑ а б Alfred Blalock // Encyclopædia Britannica Праверана 9 кастрычніка 2017.
- ↑ а б Alfred Blalock // Who Named It? Праверана 9 кастрычніка 2017.
- ↑ NNDB — 2002.