Грацкі ўніверсітэт Карла і Франца

Грацкі ўніверсітэт Карла і Франца (ням.: Karl-Franzens-Universität Graz) — другі па велічыні універсітэт у Аўстрыі, размешчаны ў горадзе Грац.

Грацкі ўніверсітэт Карла і Франца
Karl-Franzens-Universität Graz
Арыгінальная назва	Karl-Franzens-Universität Graz
Заснаваны	1585
Тып	Публічны
Рэктар	Крыста Нойпер
Студэнты	22 000
Краіна	Аўстрыя
Размяшчэнне	Грац, Аўстрыя
Сайт	uni-graz.at
Медыяфайлы на Вікісховішчы

Гісторыя

Грацкі ўніверсітэт быў заснаваны ў 1585 годзе эрцгерцагам Карлам II. З'яўляецца другім па часе заснавання ўніверсітэтам Аўстрыі. Большую частку свайго існавання кантраляваўся каталіцкай царквой і быў зачынены ў 1782 годзе імператарам Іосіфам II, які спрабаваў атрымаць кантроль над адукацыйнымі ўстановамі. Іосіф II пераўтварыў яго ў ліцэй для падрыхтоўкі прыслугі і медыцынскага персанала. У 1827 годзе Франц II аднавіў статус універсітэта, што адлюстравана ў яго поўнай назве. Праз 20 гадоў пасля аднаўлення асноўныя прынцыпы функцыянавання ўніверсітэта былі перагледжаны ў адпаведнасці з ідэямі, якія выказаў Вільгельм Гумбальт. Факультэт каталіцкай тэалогіі быў захаваны, але стаў усяго толькі адным з шасці факультэтаў.

Людвіг Больцман двойчы быў прафесарам у Грацкім універсітэце (1869—1873 і 1876—1890), распрацоўваючы сваю статыстычную тэорыю. Нобелеўскі лаўрэат Ота Леві выкладаў у Грацкім універсітэце з 1909 па 1938 год. Нобелеўскі лаўрэат 1936 года Віктар Франц Гес скончыў Грацкі ўніверсітэт і выкладаў у ім (1920—1931, 1937—1938). Нядоўги час у 1936 годзе рэктарам універсітэта быў Эрвін Шродзінгер.

Разам з Тэхнічным універсітэтам Граца ўніверсітэт удзельнічае ў кааперацыйным праекце NAWI Грац, у рамках якога значная частка факультэта прыродазнаўства і адпаведныя роднасныя падраздзяленні Тэхнічнага ўніверсітэта праводзяць сумесныя даследаванні і навучанне. У зімовы семестр 2006/07 стартавалі сумесныя праграмы навучання ў вобласці хіміі, малекулярнай біялогіі і глебазнаўства. Распрацоўваюцца сумесныя навучальныя праграмы па матэматыцы і фізіцы.

Універсітэт уваходзіць у асацыяцыю ўніверсітэтаў Еўропы Утрэхцкая сетка.

Вядомыя прафесары

• Людвіг Больцман — прафесар матэматычнай фізікі (1869—1873), фізікі (1876—1890)
• Вальтэр Нернст, лаўрэат Нобелеўскай прэміі па хіміі 1920 года — (1886)
• Франц Ксавер фон Глубек — аграном.
• Фрыц Прэгль, лаўрэат Нобелеўскай прэміі па хіміі 1923 года — (1913—1930)
• Юліус Вагнер-Яўрэг, лаўрэат Нобелеўскай прэміі па фізіялогіі і медыцыне 1927 года — (1889—1893)
• Эрвін Шродзінгер, лаўрэат Нобелеўскай прэміі па фізіцы 1933 года — прафесар тэарэтычнай фізікі (1936—1938)
• Ота Леві, лаўрэат Нобелеўскай прэміі па фізіялогіі і медыцыне 1936 года — (1909—1938)
• Віктар Франц Гес, лаўрэат Нобелеўскай прэміі па фізіцы 1936 года — прафесар фізікі (1920—1931, 1937—1938)
• Карл фон Фрыш, лаўрэат Нобелеўскай прэміі па фізіялогіі і медыцыне 1973 года — (1946—1950)
• Генрых Фелікс Шмід, прафесар славянскай філалогіі (1923—1938 і 1945—1948)
• Адольф Ярыш, прафесар кафедры скурных і венерычных хвароб медыцынскага факультэта, упершыню апісаў рэакцыю ў хворага, названую рэакцыя Ярыша — Герксгеймера.
• Леапольд Пебаль, прафесар хіміі.
• Нікола Тэсла, фізік, інжынер, вынаходнік у галіне электратэхнікі і радыётэхнікі.
• Іозеф Шумпетэр, прафесар палітычнай эканоміі. Выдатны эканаміст XX стагоддзі
• Леапольд фон Захер-Мазох, прыват-дацэнт у галіне юрыспрудэнцыі.
• Эдуард Рыхтэр, рэктар, прафесар геаграфіі, гісторык, гляцыёлаг

Факультэты

• Факультэт каталіцкай тэалогіі
• Факультэт мастацтваў і гуманітарных навук
• Факультэт правазнаўства
• Факультэт прыродазнаўства
• Факультэт грамадскіх і эканамічных навук
• Факультэт экалогіі, краязнаўства і адукацыі

Спасылкі

• На Вікісховішчы ёсць медыяфайлы па тэме Грацкі ўніверсітэт імя Карла і Франца
• Афіцыйны сайт універсітэта (англ.), (ням.)
• Видеопортрет Грацкага ўніверсітэта (англ.)