ФК Арсенал Дзяржынск

Арсенал Дзяржынск
Арсенал Дзяржынск
Заснаваны	2019
Горад	Дзяржынск, Беларусь
Стадыён	РЦАР-БДУ, Мінск; Умяшчальнасць: 1500
Галоўны трэнер	Вячаслаў Вашкевіч
Чэмпіянат	Вышэйшая ліга
2023	▲ 1 месца ў Першай лізе
Асноўная; форма	Гасцявая; форма

«Арсенал» — беларускі футбольны клуб з горада Дзяржынск, заснаваны ў 2019 годзе. У цяперашні час выступае ў Вышэйшай лізе чэмпіянату Беларусі.

Гісторыя

Аб стварэнні новага клуба пад назвай «Арсенал» стала вядома ў студзені 2019 года^[1]. Фундатарамі новага клуба сталі беларускі прадпрымальнік Аляксей Меляшкевіч і шведскі бізнесмен Алекс Русхольм, прэзідэнт шведскага футбольнага клуба «АФК Эскільстуна»^[2]. Каманда, складзеная ў асноўным з нядаўніх дублёраў клубаў Вышэйшай лігі, а таксама з некалькіх вопытных ветэранаў і мясцовых ігракоў, адразу заявілася ў Другую лігу чэмпіянату Беларусі. Каманда паспяхова прайшла дыстанцыю, выйграла барацьбу з «Ашмянамі-БДУФК» за першы радок і стала чэмпіёнам Другой лігі.

У 2020 годзе каманда працягвала камплектавацца маладымі ігракамі, а таксама некалькімі вопытнымі выканаўцамі. З-за неадпаведнасці стадыёна ў Дзяржынску патрабаванням хатнія матчы «Арсенал» праводзіў на стадыёне РЦАР-БДУ ў Мінску. Каманда добра пачала выступленне ў Першай лізе, доўгі час вёў барацьбу за высокія месцы і магчымы выхад у Вышэйшую лігу, але пазней стаў саступаць канкурэнтам і ў выніку стаў чацвёртым. У верасні пасаду галоўнага трэнера пакінуў Сяргей Ясковіч, замест яго кіраваць камандай стаў абаронца Павел Кірыльчык.

У сезоне 2021 камандай працягваў кіраваць Павел Кірыльчык. Хатнія матчы «Арсенал» стаў праводзіць на стадыёне «Гарадзея». Каманда хутка захапіла лідарства ў табліцы і, нягледзячы на шэраг няўдалых адрэзкаў, захавала першы радок да канца турніру і выйшла ў Вышэйшую лігу.

У сезоне 2022 клуб захаваў асноўных ігракоў. У Вышэйшай лізе клуб стаў адным з аўтсайдараў і доўгі час ішоў у зоне вылету, аднак паспяховы фініш дазволіў скончыць чэмпіянат на 14-м месцы з 16. У стыкавых матчах за месца ў Вышэйшай лізе на наступны сезон «Арсенал» саступіў рагачоўскаму «Макслайну» (3:2, 1:3) і выбыў у Першую лігу.

У пачатку 2023 года новым трэнерам каманды стаў Сяргей Паўлюковіч, якога ў ліпені замяніў Аляксандр Бразевіч. «Арсенал» выдатна пачаў сезон у Першай лізе, здабыўшы перамогі ў першых дзесяці турах, і ў далейшым захаваў першы радок да канца турніру, за тры туры да фінішу забяспечыўшы вяртанне ў Вышэйшую лігу.

Цяперашні склад

Станам на верасень 2024 года^[3].


№	Паз.	Імя	Нар.
1	Бр	Іван Санько	1999
35	Бр	Аляксей Васільеў	2004
49	Бр	Арцём Сарока	1992
50	Бр	Мацвей Каўрук	2005

2	Аб	Аляксандр Чыж	1997
4	Аб	Кірыл Волкаў (у арэндзе з «Лакаматыва» Масква)	2006
22	Аб	Атыла Фрэйры	2002
55	Аб	Раман Вягера	2000
66	Аб	Арсеній Агееў (у арэндзе з «Лакаматыва» Масква)	2004
72	Аб	Аляксандр Пазняк	1994

8	ПА	Вадзім Аруцюнян	2005
11	ПА	Юрый Лавец	1996
13	ПА	Іван Арашкевіч	2005


№	Паз.	Імя	Нар.
15	ПА	Ягор Бабіч	2001
17	ПА	Дзмітрый Луцік	2002
20	ПА	Эдгар Андрэ	1999
47	ПА	Даніла Гадзяеў (у арэндзе з «Лакаматыва» Масква)	2004
51	ПА	Аляксандр Скшынецкі (капітан)	1990
77	ПА	Яўген Сакута	2000
80	ПА	Мікіта Яршоў (у арэндзе з «Факела»)	2002
	ПА	Фрэд Тэйшэйра	1999

9	Нап	Руслан Мялкоўскі	2006
25	Нап	Дзмітрый Мацяш	2000
27	Нап	Іван Талкачоў	2004
34	Нап	Арцём Пятрэнка	2000
39	Нап	Мацвей Герасімаў	2001
34	Нап	Аляксандр Казакоў	2005

Трэнерскі штаб

Вячаслаў Вашкевіч (нар. 1983) — галоўны трэнер
Алег Кубараў (нар. 1966) — трэнер
Алег Трубіла (нар. 1992) — трэнер
Даніл Драсвяннікаў (нар. 1984) — трэнер па фізпадрыхтоўцы
Дзмітрый Рашчактаеў (нар. 2000) — трэнер-аналітык
Ігар Куцепаў (нар. 1965) — трэнер брамнікаў

Дасягненні

Пераможца Першай лігі чэмпіянату Беларусі (2): 2021, 2023
Пераможца Другой лігі чэмпіянату Беларусі: 2019

Статыстыка выступленняў

Чэмпіянат і Кубак Беларусі

Сезон	Ліга	М	Г	В	Н	П	Галы	Ачкі	Кубак	Заўвагі
2019	Другая (Д3)	1	28	25	1	2	119–14	76	1/16 фіналу	Выхад у Першую лігу
2020	Першая (Д2)	4	26	13	7	6	41–28	46	Чвэрцьфінал
2021	Першая (Д2)	1	33	20	8	5	59–22	68	1/8 фіналу	Выхад у Вышэйшую лігу
2022	Вышэйшая (Д1)	14	30	5	8	17	18–42	23	1/8 фіналу
2022	Пераходныя матчы^[A]		2	1	0	1	4–5		1/8 фіналу	Вылет у Першую лігу
2023	Першая (Д2)	1	32	26	3	3	86–30	81	1/8 фіналу	Выхад у Вышэйшую лігу