Eufemisme
Eufemisme marupakan ungkapan nang tahu dibasa sabagai gantian ungkapan nang dirasaakan kasar.
Pangartian
Manurut KBBI idisi III 2001, eufemisme marupakan ungkapan nang halus sabagai gantian ungkapan nang dirasaakan kasar wan disambat kawa marugiakan atawa kada mahimungakan. Manurut Sumadiria (2003), eufemisme marupakan ungkapan mamakai konotasi nang kawa maulah ungkapan tahu dibasa . Pamakaian eufimisme dalam pambaritaan disambat mangubasakan realita nang ada. Hal ini maulah pambaca kangalihan mambedaakan kabujuran nang ada, sahingga maulah bamacam parspektif atas barataan pinumena.
Eufemisme dipakai sabagai ungkapan nang halus supaya manghindari tuturan nang manyakiti hati urang.[1] Eufemisme kawa manggantiaakan sabuting nang kawa dianggap kada berkanan, hagan manjauhakan matan rasa supan, manjauhi kata nang kawa maulah urang tasinggung. Sahingga pas haratan bapandir jadi tahu dibasa wan kawa manjauhi ungkapan nang kada mahimungi urang.[2] Tujuan pamakaian majas eufemisme hagan mandikiti pamakaian tata kata nang kawa maulah kapanikan atawa rasa takutan. Sahingga pamakainya kada manyambati, manyinggung, atawa mamandang randah urang. Salain itu Eufemisme kawa jua dipakai hagan mangganti sambatan-sambatan nang dianggap tarlarang atawa bamakna kada baik, mangandung sara, bawaannya vulgar sarta mangkaritik. Pada pamulaannya bahasa baisi paranan nang penting peran di sistem kahidupan masyarakat, salah sabutingnya adalah midia hagan bapandir.
Gaya bahasa eufemisme kawa dibahas malalui segi linguistik lawan teuri semantik, sinonim, wan diksi (pamilihan kata). Matan kajian sosiolingustik, eufemisme mamandirakan tentang macam bahasa. Pamakaian eufemisme dalam barita utama surat kabar akan taguna sabagai sarana mandidik masyarakat hagan manata beasa tata krama kasantunan babahasa nang mulai manipis. Lawan eufemisme, nalar pambaca kawa batambah dikaranakan diksi-diksi nang bamacam-macam nang maulah pambaca mandalami bujur-bujur sabuting makna. Pamakaian istilah-istilah konotatip kawa mamancing kreatipitas pambaca hagan bapikir kritis, kreatip, wan batanggungjawab.
Etimologi
Kata Eufemisme sacara etimologi baasal matan bahasa Yunani, naitu euphemismos. "eu" (bagus) wan "phemoo" (bapandir). Eufemisme baarti bapandir mamakai sambatan-sambatan nang bagus wan tahu dibasa.[2]
Macam
Eufemisme marupakan bahasa pulitik bubuhan birokrat wan elit politik. BUbuhan ahli bahasa mamandang gejala ngini lawan sudut pandang nang bamacam-macam. Menurut Allah wan Burridge[3], tardapat 16 macam eufemisme :
1. Ekspresifiguratif (figurative expression)
2. Metafora (methapor)
3. Plipanci (filppancy)
4. Memudilakan beasa (remodelling)
5. Sirkumlokasi (circumlocutions)
6. Kliping (clipping)
7. Akronim (acronym)
8. Singkatan (abbreviation)
9. Pelesapan (omission)
10. Sabuting kata hagan manggantiakan kata nang lain (one for one subtitution)
11. Umum ka khusus (general for specific)
12. Sapalih hagan sabarataaan (part for whole)
13. Hiperbola (hyperbole)
14. Makna di luar parnyataan (understeatement)
15. Bahasa bubuhan tartantu atawa jargon
16. Kolokial (colloquial)
Sedangkan manurut Sutarno (1988), eufemisme dibagi manjadi 3 kategori :
1. Kategori baik, dipakai hagan sabuting hal nang bahubungan lawan sopan santun.
2. Kategori buruk, dipakai hagan mampolitisir sabuting makna nang bujur atawa basipat pulitis.
3. Kategori nang dipakai hagan mambunguli kanyataan nang sabujurnya.
Cuntuh
- Dimana wc? (labih tahu dibasa dibanding "wadah bakamih")
- Akan dilakukan panyasuaian harga bahan bakar. (labih tahu dibasa dibanding "kanaikan harga")
- Abahnya sudah kadada di padang buhan inya. (Kadada, maksudnya maninggal)
- Inya mahasiswa abadi dikampus ni. (talambat dalam manuntungakan masa studi)
- Gubernur Angkasa Pura sudah dibibastugasakan matan jabatannya. (artinya sudah diampihi bagawi)
Lihati jua
Referensi
- ^ "ANALISIS TERJEMAHAN UNGKAPAN EUFEMISME DAN DISFEMISME PADA TEKS BERITA ONLINE BBC Priska Meilasari ; M. R. Nababan ; Djatmika Ma". webcache.googleusercontent.com. Diakses tanggal 2021-02-16.
- ^ a b Bahri, Syamsul (2012). "Eufemisme Bahasa Minangkabau Dialek Pariaman". Jurnal Bahas Unimed (dalam bahasa Indonesia) (84): 76089. ISSN 0852-8535.
- ^ Bahri, Syamsul (-). "Eufemisme dalam Wacana Politik". Fakultas Bahasa dan Seni, Universitas Negeri Medan.