Saozneg Aostralia

Saozneg Aostralia (Australian English) eo an doare saozneg a vez komzet en Aostralia. N'eus statud ofisiel ebet e bonreizh ar vro, met ar yezh ofisiel eo de facto.

Krog e oa saozneg Aostralia da zisheñvelekaat diouzh hini Breizh-Veur abaoe savidigezh trevadenn New South Wales e 1788 hag anzavet eo e zisheñvelidigezh abaoe 1820. C'hoarvezout a ra eus kej-mej annezerien deuet eus pevar c'horn ar Rouantelezh-Unanet, dezho rannyezhoù disheñvel ma teuas da gaout perzhioù dibar, en e c'heriaoueg, er pouezmouezhiañ, er yezhadur hag er skrivañ.

Istor

Banjo Patterson, a savas Waltzing Matilda, ur ganaouenn leun a c'herioù e saozneg Aostralia.

Ur c'hard eus ar brizonidi kaset da Aostralia a oa Iwerzhoniz, dastumet gant ar polis saoz, pe en Iwerzhon pe zoken e Breizh-Veur. An darn vrasañ anezho ne ouient ket saozneg pe ne ouient ket kalz. Prizonidi all a oa ha ne ouient ket saozneg ivez, degaset eus Bro-Skos pe Kembre.

• En e levr Two Years in New South Wales e skrivas Peter Miller Cunningham, e 1827, e oa disheñvel saozneg ar vugale bet ganet er vro diouzh hini o zud deuet eus Europa, hag e santed levezon saozneg Londrez.
• Hervez Anthony Burgess e oa saozneg Aostralia tost da hini Londrez en amzer Charles Dickens ( Australian English may be thought of as a kind of fossilised Cockney of the Dickensian era. ).