Lysardh
Neuz
(Adkaset eus Lizard)
Gourenez al Lysardh (An Lysardh e kerneveg, The Lizard e saozneg) zo ur c'hourenez e kreisteiz Kernev-Veur. Eno emañ ar beg-douar suañ eus douar-bras Breizh-Veur.
An hevelep anv, Lysardh, a roer d'ar beg-douar ha d'ur gêriadenn hag a zo e-kichen, e parrez Lanndewynnek.
Goleiñ a ra ar c'hourenez, well-wazh, ur garrezenn 23 km x 23 km. Emañ er mervent da Aberfal hag er reter da Bennsans.
Dañjerus eo an adremez evit al listri ha meur a hini zo bet oc'h ober peñse dre eno, ken e veze graet "the Graveyard of Ships" (bered al listri) eus an tolead gant ar voraerien saoz. Un tour-tan a voe savet e 1752 war ar beg-douar hag ur savlec'h bigi saveteiñ zo ivez.