Tro Bro Leon
| |||
Titouroù hollek | |||
Tennadoù | 41 | ||
Hed | 4 953,5 km | ||
Bro | |||
Teuliadur |
Tro Bro Leon a zo ur redadeg war varc'h-houarn aozet bep miz Ebrel tro-dro da kêr Lanniliz. Digor eo ar redadeg d'ar varc'hhouarnerien a-vicher abaoe 1999.
Brudet eo ar redadeg evit e ribinoù, hentoù strizh hep koultron hag a zo meinet tamm pe damm. Dre 26 ribin e tremenas Tro Bro Leon e 2010, dreist-holl tro-dro da Lanniliz ha Lesneven. Lesanvet eo bet ar redadeg ar Paris-Roubaix breizhat pe ar Paris-Roubaix bihan daoust d'Ifern an Norzh tremen dre hentoù pavezet hag an hini leonat dre hentoù meinet.
Krouet e oa bet ar redadeg e 1984 gant Jean-Paul Mellouet (a zo rener ar redadeg c'hoazh) evit sikour ar skolioù Diwan. Roet e vez arc'hant dezho c'hoazh a-drugarez da Tro Bro Cyclo, un dro-vale war varc'h-houarn digor d'an holl hag a heuilh ur rann eus redad Tro Bro Leon. Aozet e vez Tro Bro Cyclo derc'hent ar redadeg a-vicher.
Loreadeg
[kemmañ | kemmañ ar vammenn]Liamm
[kemmañ | kemmañ ar vammenn]