Pô (departamant)

Ur pennad Po zo ivez.

Pô (Po en italianeg) zo anv un departamant gall en Italia krouet gant armeoù gall Napoleone Buonaparte. Torino a oa ar pennlec'h anezhañ.

Kartenn eus departamantoù gall Italia, da vare impalaeriezh c'hall Napoleone Buonaparte

Istor

Krouet e voe pa voe aloubet Rouantelezh Sardigna gant ar jeneral Buonaparte e 1802. Klotañ a ra dre vras gant proviñs Torino hiriv.

Da gentañ e oa anvet Éridan, anv ar stêr Po e mojennoù Hellaz kozh, met d'an 20 a viz Gwengolo e voe advadezet dre un dekred sinet gant pennmelestrour Piemonte, ar jeneral Jean-Baptiste Jourdan, ha roet dezhañ anv italianek ar stêr.

Arondisamantoù

Tri arondisamant a oa: Torino, Susa ha Pinerolo. Mont a reas da get pa voe distrujet an Impalaeriezh C'hall e 1814.

Prefeded

Skoed Torino da vare impalaeriezh c'hall Napoleone Buonaparte.

26 Eost 1802–1805—Victor Hercule Joseph Ferdinand comte de Lavilla de Villasteloni
1805–1808—Pierre Loysel
1808–1809—Étienne Vincent Marnolia
19 C'hwevrer 1809–1813—Alexandre Théodore Victor de Lameth baron de Lameth