Sarthe (departamant)

Sarthe
Melestradurezh
Riez	Frañs
Rannvro	Broioù al Liger
Pennlec'h (prefeti)	Ar Mañs
Isprefetioù	La Flèche Mamers
Prezidant ar c'huzul-departamant	Dominique Le Mèner (LR)
Prefed	Emmanuel Aubry
Kod EBSSA	72
Kod ISO 3166-2	FR-72
Kod Eurostat NUTS-3	FR514
Poblañsouriezh
Poblañs	566 993 ann. (2020)
Stankter	91 ann./km²
Douaroniezh
Kenurzhiennoù	48° 00′ 00″ Norzh 0° 19′ 01″ Reter
Gorread	6 206 km²
Adrannoù
Arondisamantoù	3
Pastelloù-bro	5
Kantonioù	21
Etrekumuniezhioù	16
Kumunioù	354

Ar Sarthe, pe ar Seurzh, a zo unan eus departamantoù Frañs (niverenn 72) e kornôg Frañs e rannvro Broioù al Liger. Ar Mañs eo ar pennlec'h anezhañ.

Arondisamantoù ar Sarthe :

• Arondisamant ar Mañs
• Arondisamant La Flèche
• Arondisamant Mamers

Douaroniezh

E anv a zeu eus ar stêr Sarthe a red eus Norzh da Su an departamant war-zu al Liger dre ar Maine, e departamant Maine-et-Loire. Kavout a reer ivez an Huisne hag al Lez.

Estreget kêr ar Mañs eo dreist-holl maezioù a gaver ennañ, gant ar c'harzhaoueg. An Norzh a zo heñvelikoc'h ouzh Normandi eget an Su. Al lodenn vrasañ eus an departamant zo plaen, nemet e gwalarn anezhañ emañ Alpoù Sarthe, menezioù izel a-walc'h (217 m. war menez Haut-Fourché). La Flèche eo eil brasañ kêr an departamant.

Istor

Savet e oa bet da heul Dispac'h Frañs d'ar 4 a viz Meurzh 1790. A-raok e rae ar Sarthe hag ar Mayenne un broviñs nemetken, proviñs ar Maine.

Tud brudet

• Herri II, kont Anjev, Maine ha Touraine, dug Normandi, roue Bro-Saoz.
• François Fillon, ganet er Mañs, bet maer Sablé-sur-Sarthe, kentañ ministr Bro-C'hall etre 2007 ha 2012.