Edición de «Gloria Macapagal-Arroyo»

[[Archivo:Gloria Macapagal Arroyo WEF 2009-crop.jpg|frame|right|200px|Presidenta Gloria Macapagal-Arroyo]]
'''Gloria Macapagal-Arroyo''' (Nacimiento: [[5 de Abril]], [[1947]] na San Juan, [[Metro Manila]]), el aca-14 y presentamente Presidenta de Filipinas (electado del año [[2004]]). Ele es el segundo mujer presidenta despues con [[Corazon Aquino]]. Ele es el hija del antes presidente [[Diosdado Macapagal]]. Casao con [[Jose Miguel Arroyo]] del año [[1968]].

Antes ya queda presidenta, si Arroyo es el primero mujer vice-presidenta. Ele ya subi na posicion como presidenta del año [[2001]] por medio del [[EDSA II]] cuando ya quita con [[Joseph Estrada]] na poder na medio de maga acusacion de corrupcion. Con Arroyo ya electa del eleccion 2004 donde ya perde el actor [[Fernando Poe Jr.]].
 
Del año [[2005]] el Forbes magasin ya selecta con Arroyo como el aca-cuatro bien poderoso mujer na entero mundo.

Por el su educacion elementaria y segundaria, si Arroyo ya atende escuela na [[Convento de la Asunción]]. Ele ya gradua como valedictorian na clase del año [[1964]]. Despues, si Arroyo ya atende escuela na [[Georgetown University]] con el prestigioso [[Walsh School of Foreign Service]] na [[Washington D.C.]] donde ya queda si [[Bill Clinton]], el antes Presidente del Estados Unidos, su compañero de clase y donde si Arroyo conforme na lista del decano. Si Arroyo, despues, ya gradua magna cum laude con el titulo Bachiller de Artes en Economia na [[Assumption College]] del año [[1968]]. Aquel mismo año, ya casa si Arroyo con el un abogado y negociante de [[Negros Occidental]] Jose Miguel Arroyo. Tiene ellos dos niños y unica hija: [[Juan Miguel Arroyo|Juan Miguel]] (nacimiento: [[1969]]), Evangelina Lourdes (nacimiento: [[1971]]) y Diosdado Ignacio Jose Maria (nacimiento: [[1974]]).

Si Arroyo ya porsigui alto estudio y del año [[1978]], ya gradua Maestro de Economia desde'l [[Ateneo de Manila University]] y del año [[1985]], Doctor de Economia desde'l [[Universidad de las Filipinas]]. Desde [[1977]] hasta [[1987]], si Arroyo ya ensiña na maga diferente escuela y ya obtene maga diferente posicion hasta ele ya queda presidenta del Departamento de Economia na Assumption College.

Del año [[1987]], si Arroyo ya trabaja como ayudanta del secratario del Departamento de Negocio y Industria. Dos años despues, ele ya queda bajo secretario del departamento y director ejecutivo tambien del Garments and Textile Export Board donde subido el crecimiento del industria de tela. 

Ya electa con Arroyo como senadora del año [[1992]] y [[1995]]. Como Senadora, Si Arroyo ya escribi mas de 400 maga como se llama na Ingles 'bill' o proyecto de ley donde 55 de estos ya queda ley de importancia economia incluyendo el Anti-Sexual Harassment Law, el Indigenous People's Rights Law y el Export Development Act.

Año [[1998]] cuando con Arroyo ya electa como vice-presidenta de presidente Joseph Estrada y secretaria del bien estar y desarollo del administracion Estrada.

Siya ay isang tuta na kailangan itangal sa puwesto. Siya rin ang nunal ng Pilipinas at kaylangan tangalin sa puwesto

==Enlace External== 	 
* [https://web.archive.org/web/20220326204300/http://www.gloria-arroyo.com/ Gloria Arroyo]
* [https://web.archive.org/web/20120101105754/http://www.gov.ph/ El Official Webpagina del Govierno de las Filipinas]

{{DEFAULTSORT:Macapagal-Arroyo, Gloria}}

[[Categoría:Politicos]]
[[Categoría:Las Filipinas]]
[[Categoría:Historia de Las Filipinas]]
[[Categoría:Maga Presidente de Las Filipinas]]
[[Categoría:Nacidos na 1947]]