Tver
Math | tref/dinas, dinas fawr, okrug ddinesig |
---|---|
Enwyd ar ôl | Afon Tvertsa |
Poblogaeth | 424,969 |
Sefydlwyd | |
Pennaeth llywodraeth | Alexey Ogonkov |
Cylchfa amser | UTC+03:00 |
Gefeilldref/i | Bergamo, Osnabrück, Besançon, Veliko Tarnovo, Khmelnytskyi, Wcrain, Veliko Tarnovo, Kaposvár, Buffalo, Efrog Newydd |
Daearyddiaeth | |
Sir | Oblast Tver |
Gwlad | |
Arwynebedd | 152.22 km² |
Uwch y môr | 135 metr |
Gerllaw | Afon Volga |
Cyfesurynnau | 56.857828°N 35.921928°E |
Cod post | 170000–179999 |
Pennaeth y Llywodraeth | Alexey Ogonkov |
Dinas yng nghanolbarth Rwsia Ewropeaidd yw Tver (Rwsieg Тверь / Tver'), canolfan weinyddol oblast Tver. Mae'n borthladd ar ran uchaf Afon Volga, lle mae Afon Tvertsa yn ymuno â hi. Fe'i lleolir 167 km i'r gogledd-orllewin i Moscfa, a 485 km i'r de-ddwyrain i St Petersburg ar brif ffyrdd a'r rheilffordd rhwng y ddwy. Sylfaenwyd tywysogaeth rymus yn y ddinas yn yr Oesoedd Canol. Ailenwyd y ddinas fel Kalinin (ar ôl y chwyldroadwr Mikhail Kalinin) ym 1931, ond dychwelodd i'w henw gwreiddiol ym 1990. Ei phoblogaeth yw 408,903 (Cyfrifiad 2002).
Hanes
[golygu | golygu cod]Mae Tver yn ddinas hanesyddol. Yn y 13g a dechrau'r 14g, fe dyfodd fel canolfan fasnachol, a daeth tywysogaeth Tver i fod ymysg tywysogaethau grymusaf yr ardal. Difethwyd rhannau helaeth o'r ddinas mewn gwrthryfel yn erbyn rheolaeth y Mongoliaid ym 1327, a dechreuodd ei dylanwad leihau o hyn ymlaen. Un o ddinesyddion enwocaf Tver oedd Afanasy Nikitin, marsiandwr o'r ddinas a fordwyodd i India a de-ddwyrain Asia o 1466 hyd 1477 ac a ysgrifennodd ddisgrifiad o'i daith. Meddiannwyd y ddinas gan luoedd tywysogaeth fawr Moscfa o dan Ifan III ym 1485. Collodd ei hannibyniaeth o hyn ymlaen, gan ddod yn rhan o wladwriaeth ganolog Rwsia oedd yn ffurfio o gwmpas Moscfa.