Žrědłowy tekst za Estnišćina se woglědaś

== Gramatika ==

===Substantiwy a adjektiwy===

Estnišćina ma 14 padow a dwa numerusa, ale njama žeden genus. 

{| class="wikitable"
! &nbsp; !! colspan="2" | ‘knigły’ !! colspan="2" | ‘swinja’ !! &nbsp;
|-
! pad !! singular !! plural !! singular !! plural !! wótegronja na pšašanje…
|-
| '''nominatiw''' || raamat || raamatu''d'' || siga || sea''d'' || chto? co?
|-
| '''genitiw''' || raamatu || raamatu''te'' || sea || siga''de'' || kogo? cogo? 
|-
| '''partitiw''' || raamatu''t'' || raamatu''id'' || siga || sig''u'' || (gl. dołojce)
|-
| '''ilatiw''' || raamatu''sse'' || raamatu''tesse'' / raamatu''isse'' || sea''sse'' || siga''desse'' || do kogo? do cogo?
|-
| '''inesiw''' || raamatu''s'' || raamatu''tes'' / raamatu''is'' || sea''s'' || siga''des'' || w kim? w com?
|-
| '''elatiw''' || raamatu''st'' || raamatu''test'' / raamatu''ist'' || sea''st'' || siga''dest'' || z kogo? z cogo?
|-
| '''alatiw''' || raamatu''le'' || raamatu''tele'' / raamatu''ile'' || sea''le'' || siga''dele'' || ku komu? k comu?
|-
| '''adesiw''' || raamatu''l'' || raamatu''tel'' / raamatu''il'' || sea''l'' || siga''del'' || pśi kim? pśi com?
|-
| '''ablatiw''' || raamatu''lt'' || raamatu''telt'' / raamatu''ilt'' || sea''lt'' || siga''delt'' || wót kogo? wót cogo?
|-
| '''translatiw''' || raamatu''ks'' || raamatu''teks'' / raamatu''iks'' || sea''ks'' || siga''deks'' || z kim? z cym?
|-
| '''terminatiw''' || raamatu''ni'' || raamatu''teni'' || sea''ni'' || siga''deni'' || až do kogo? až do cogo?
|-
| '''esiw''' || raamatu''na'' || raamatu''tena'' || sea''na'' || siga''dena'' || ako chto? ako co?
|-
| '''abesiw''' || raamatu''ta'' || raamatu''teta'' || sea''ta'' || siga''deta'' || bźez kogo? bźez cogo?
|-
| '''komitatiw''' || raamatu''ga'' || raamatu''tega'' || sea''ga'' || siga''dega'' || z kim? z cym?
|}

Partitiw słužy k zwuraznjanjeju źělnego subjekta, na pś. ''Lapsed on tänaval'' ‘Źiśi su na droze’ (wěste źiśi), ale ''Tänaval on lapsi'' ‘Na droze su źiśi’ (někake, njeznata kopica). W młogich padach słužy partitiw ako pad indirektnego objekta, wósebje z werbami zawupytnjenja, na pś. ''Ma näen autot'' ‘Ja wiźim awto’. Z drugimi werbami zwuraznja partitiw njedopołnosć wugbanja, tak ''Ma söön torti'' ‘Ja jěm tortu’, ale ''Ma sõin tordi ära'' ‘Ja som tortu zjědł’. Partitiw slědujo teke numeralam mimo ''üks'' ‘jaden’: ''üks raamat'' ‘jadne knigły’ ''kaks raamatut'' ‘dwě knigły’, ''kümme raamatut'' ‘źaseś knigłow’ atd. 

Wjeliki źěl substantiwow móžo twóriś plural ako z kóńcowku ''-de-'' ako teke z kóńcowku ''-i-'' (kótaraž móžo teke formu ''-e-'' abo ''-u-'' měś).

Deklinacija adjektiwow jo jadnaka ako ta substantiwow.

===Werby===

Estniski werb ma dwa numerusa (singular, plural), tśi wósoby (1., 2., 3.), styri case (prezens, imperfekt, perfekt, pluskwamperfekt) a styri moduse (indikatiw, kondicional, imperatiw a ''modus obliquus''). Estnišćina ma dwa infinitiwa, jaden na ''-ma'' a jaden na ''-da'': ''Ma tahan lugeda'' ‘Ja cu cytaś’, ale ''Ma hakkan lugema'' ‘Ja zachopijom cytaś’.

{| class="wikitable"
! colspan=5 | ''lugema, lugeda'' ‘cytaś’
|-
! wosoba !! prezens !! imperfekt !! perfekt !! kondicional
|-
| 1. sg. (ma) || loe''n'' || luge''sin'' || ole''n'' luge''nud'' || loe''ksin''
|-
| 2. sg. (sa) || loe''d'' || luge''sid'' || ole''d'' luge''nud'' || loe''ksid''
|-
| 3. sg. (ta) || loe''b'' || luge''s'' || ''on'' luge''nud'' || loe''ks''
|-
| 1. pl. (me) || loe''me'' || luge''sime'' || ole''me'' luge''nud'' || loe''ksime''
|-
| 2. pl. (te) || loe''te'' || luge''site'' || ole''te'' luge''nud'' || loe''ksite''
|-
| 3. pl. (nad) || loe''vad'' || luge''sid'' || oli''d'' luge''nud'' || loe''ksid''
|-
|}

Tak pomjenowany ''modus obliquus'' (kóńcowka ''-vat'') zwuraznja, až powědaŕ jo wopśimjeśe gronjonego jano słyšał a nic sam dožywił, na pś. ''Poiss loeb'' ‘Gólc cyta’, ale ''Poiss lugevat'' ‘Gólc zazdaśim cyta’.

Pśi negaciji werba wužywa se njepśeměnjata partikla ''ei'', za kótarejuž slědujo forma werba bźez kóńcowki: ''(ma) loen'' ‘(ja) cytam’, ale ''ma ei loe'' ‘ja njecytam’. W imperfekśe slědujo partikli forma participa na ''-nud'': ''ma ei lugenud'' ‘ja njejsom cytał’.