Mergoscia

Mergoscia
	Blazono de Mergoscia
	Blazono de Mergoscia
	Mergoscia
Kantono	Tiĉino
Distrikto	Locarno
Komunumaro	Navegna
Koordinatoj	46° 12′ 36″ N 8° 50′ 53″ O / 46.21000 °N, 8.84806 °O (mapo)Koordinatoj: 46° 12′ 36″ N 8° 50′ 53″ O / 46.21000 °N, 8.84806 °O (mapo)
Nombro de loĝantoj	212
Areo	12,14 km²
Alteco	735 m super marnivelo
Poŝtkodo	6647
Komunumkodo	5117
	Mapo de Mergoscia
	Mapo de Mergoscia

Mergoscia estas komunumo de la Komunumaro Navegna kaj la Distrikto Locarno en Kantono Tiĉino, Svislando. Ĝi havis 212 loĝantojn je la 31-a de decembro 2011.

Geografio

Mergoscia situas en la suba parto de la valo de la rivero Verzasca, ĉe la okcidenta flanko de la baraĵlago Lago de Vogorno. La komunumo konsistas el la vilaĝo Mergoscia kaj la setlejoj Benitti, Busada, Fesnedo, Fressino, Lisso kaj Rivapiana.^[1]

La teritorio de la komunumo etendiĝas sur areo de 12,14 km², de kiuj 71,4% estas kovritaj de arbaro, 8,8% servas por agrikulturo kaj 2,3% por setlado. ^[2]

Najbaraj komunumoj

La komunumo Mergoscia limas en nordo al Corippo, en oriento al Vogorno, en sudoriento al Gordola, en sudo al Tenero-Contra, en sudokcidento al Brione sopra Minusio, kaj en okcidento al Avegno.

Trafiko

Mergoscia situas flanke de la gravaj trafikvojoj. La vilaĝo Mergosica atingeblas pere de kurboriĉa sakvojo de Contra. Pere de buslinio al Locarno la komunumo estas konektita al la publika transportreto.

Historio

La unua dokumenta mencio de Mergoscia datiĝas el la jaro 1061 Mergossia. Mergoscia sendependiĝis en la jaro 1313 de la Najbararo Verzasca kaj Briono. Por ne devi pagi feŭdajn interezoj al la nobelularo de Locarno Mergoscia aliĝis en la 15-a jarcento al la valkomunumaro de Verzasca. En la jaro 1591 Mergoscia ankaŭ disiĝis de la Paroĥo San Vittorio de Locarno. En la jaro 1597 estis konstruita la pastra preĝejo San Gottardo sur la fundamento de antaŭa konstruaĵo.^[3]