Prlov
Prlov estas montara vilaĝo en Ĉeĥio situanta en sudokcidenta rando de distrikto Vsetín. La kerno de tiu ĉi montara vilaĝo estas dislokigita sur alfluo de rojo Pozděchov, vico de loĝejoj estas disigitaj sur paŝtejoj. Vivas ĉi tie 496 loĝantoj (2024).
Prlov | |||
germane Prlow, germane Perlau (1939-1945) | |||
municipo | |||
Prlov, dometo kun nikso
| |||
|
|||
Oficiala nomo: Prlov | |||
Ŝtato | |||
---|---|---|---|
Regiono | Regiono Zlín | ||
Distrikto | Distrikto Vsetín | ||
Administra municipo | Vsetín | ||
Historia regiono | Moravio | ||
Parto de | Valaĥio | ||
Montaro | Vizovica montetaro | ||
Rojo | Pozděchůvka | ||
Situo | Prlov | ||
- alteco | 414 m s. m. | ||
- koordinatoj | 49° 14′ 35″ N 17° 58′ 21″ O / 49.24306 °N, 17.97250 °O (mapo) | ||
Katastro | 7,14 km² (714 ha) Prlov | ||
Loĝantaro | 496 (2024) | ||
Denseco | 69,47 loĝ./km² | ||
Unua skribmencio | 1361 | ||
Horzono | MET (UTC+1) | ||
- somera tempo | MET (UTC+2) | ||
Poŝtkodo | 756 13 | ||
NUTS 3 | CZ072 | ||
NUTS 4 | CZ0723 | ||
NUTS 5 | CZ0723 544671 | ||
Katastraj teritorioj | 1 | ||
Partoj de municipo | 1 | ||
Bazaj setlejunuoj | 2 | ||
Situo enkadre de Ĉeĥio
| |||
Retpaĝo: www.obecprlov.cz | |||
La najbaraj municipoj de la setlejo estas Lužná, Jasenná, Seninka, Pozděchov kaj Valašská Polanka.
Historio
redaktiPrlov estiĝis sur teritorio de vizovica monaĥejo ĉirkaŭ la jaro 1300. Unuafoje pri Prlov mencias papa dokumento el la jaro 1361. Ekde 1467 la vilaĝo apartenis al vizovica sinjorujo. Prlov travivis komunajn sortojn kun najbara vilaĝo Pozděchov, kun kiu ĝi estis iam konsiderata kiel unu vilaĝo kun komuna vilaĝestro.
La nomo de vilaĝo kun la plej granda verŝajneco estas derivita de ties fondinto. Registroj el la 16-a jarcento indikas la vilaĝon ankaŭ sub la nomo Perlov.
Loĝantaro
redaktiJaro | Loĝantoj |
---|---|
1869 | 435 |
1880 | 492 |
1890 | 519 |
1900 | 544 |
1910 | 581 |
1921 | 598 |
Jaro | Loĝantoj |
---|---|
1930 | 556 |
1950 | 501 |
1961 | 664 |
1970 | 642 |
1980 | 582 |
1991 | 544 |
Jaro | Loĝantoj |
---|---|
2001 | 549 |
2014 | 535 |
2016 | 541 |
2017 | 537 |
2018 | 533 |
2019 | 531 |
Jaro | Loĝantoj |
---|---|
2020 | 523 |
2021 | 502 |
2022 | 497 |
2023 | 485 |
2024 | 496 |
Bataloj por libereco
redaktiPrlov enskribiĝis ankaŭ en faman historion pro bataloj de valaĥia popolo por libereco kontraŭ habsburgoj. Ribelo de la valaĥia popolo ekflamis en la paso de la tridekjara milito post batalo sur Blanka Monto en 1620 kaj popolo de orienta Moravio rezistis ĝis la jaro 1644 al imperiestraj soldataroj kaj ankaŭ al soldistoj de olomouca ĉefepiskopo. La ribelo de orientmoraviaj valaĥoj, estiĝinta sekve de forta nacieca, socia kaj eklezia premo dum la tuta tempo de dudek kvar jaroj, troviĝis apogon de valaĥoj en alia flanko de limo sur teritorio de Slovakio (tiama Hungarujo). Subtenis ilin ankaŭ Jiří Rákoczy, ĉefa kontraŭulo de Vieno kaj ekde 1642 valaĥoj havis grandajn aliancanojn ankaŭ en svedoj. Al la ribelo aliĝis absoluta plimulto de la valaĥia popolo.
Post malvenko de la valaĥia ribelo en 1644 oni faris "listojn de valaĥoj", laŭ kiuj estis ekzekutitaj 141 personoj, el kiuj 11 estis el Prlov kaj Pozděchov. Unu jaro post tio Prlov estis fare de ĉefepiskopaj soldataroj forbruligita.
En 1663 Moravio markis grandan invadon de tataraj kaj turkaj atakintoj. Eĉ ne Prlov restis ŝparita de teruregaj krimaĵoj faritaj sur senkulpaj homoj. Prlov estis forbruligita, dum ties defendo pereis 23 civitanoj kaj multe da ili estis fortrenitaj en sklavecon.
La unua mondmilito
redaktiDum la unua mondmilito estis el Prlov forkondukitaj 95 viroj, en foraj batalfrontoj 17 el ili metis siajn vivojn pro la malamata monarkio, 22 da ili estis militkaptita en Rusio, 9 en Italio kaj unu en Serbio. Dum la tempo de la milito estis en postfrontejo granda mizero, ĉiuj nutraĵoj iris al la batalfrontoj, disvastiĝis malsanoj. En lasta jaro de la milito eksplodis epidemio de gripo, al kiu subiĝis 30 homojn, ĉefe infanoj.
La unuaj jaroj post la milito portis sin en signo de granda mizero post travivitaj militaj suferoj kaj tial ĉi tieaj homoj amase elmigris Amerikon. Tre malfacilaj tempoj venis en la tempo de ekonomia krizo komence de la 30-aj jaroj. La distrikto donis nutraĵojn al la plej bezonataj.
La Dua Mondmilito
redaktiLa unua grava interveno en la vivon de Prlov dum la Dua Mondmilito estis foriroj de homoj por devigaj laboroj en Germanion. Ĉirkaŭ la jaro 1942 komencis formiĝi en Prlov partizana grupo. La tuta vilaĝo sciis pri la partizana agado kaj senescepte subtenis ĝin. Venĝo de naziajn okupantoj senpere antaŭ la fino de la milito estis granda - la vilaĝo estis forbruligita kaj multe da loĝantoj de Prlov alportis oferon la plej grandan...
...evento
redaktiLa 23-an de aprilo 1945 frumatene ĉirkaŭigis Prlov-on proksimume 600 anoj de jagdkomando el Vizovice kaj apartaj taĉmentoj de SS-Jagdverbande, persekut-asocio, sudoriento, kaŝnomo "Josef" kaj faris razion, post kiu estis dumvive brulmortigitaj 15 personoj pro helpo al la partizanoj.[1] Sed sume pro sekvoj de la tuta evento perdis la vivon 23 personoj: krom la jam menciitaj dek kvin brulmortigitoj estis tri aktivaj partizanoj, la prlovaj civitanoj, la saman tagon pendumitaj proksime de Bratřejov. Unu viro, kiu tiutage eskapis el brulanta domo, estis pli poste trovita fare de gestapo kaj komune kun pluaj du homoj el Prlov ili estis unue torturitaj kaj poste ekzekutitaj. Unu viro estis mortigita jam la 19-an de aprilo dum agado kontraŭ Ploština. Al la tregedio en prlov oni kalkulas ankaŭ morto de unu civitano de la proksima Pozděchov kaj inter la 15 brulmortigitoj estis ankaŭ unu civitano de la proksima Bratřejov.
Post la masakro en Ploština temis pri plua agado de taĉmentoj, kiuj falis sub Persekut-asocio de SS, kies komandanto estis Otto Skorzeny.
Referencoj
redakti- ↑ Tragedio en Prlov. Prlov. Arkivita el la originalo je 2010-10-13. Alirita 2010-6-19.