Karlos VI.a Frantziakoa
Karlos VI.a Frantziakoa (Paris, 1368ko abenduaren 3a - Paris, 1422ko urriaren 21a), Zoroa (frantsesez: le Fol edo le Fou) eta Maitatua (frantsesez: le Bien-Aimé) ezizenez ezaguna, 1380-1422 bitartean Frantziako erregea izan zen. Ehun Urteko Gerrak markatu zuen bere erreinaldia. Ezizena pairatzen zuen eskizofreniatik zetorkion.
Biografia
Karlos V.a Frantziakoa eta Joana Borboikoa izan zituen gurasoak. Gobernu oneko erregea izan zen, erotu zen arte (1392). Handik aurrera gerra zibila piztu zen Frantzian (Armagnactarrak eta Borgoinatarrak). Henrike V.a Ingalaterrakoak Borgoinatarren alde egin zuen, eta Azincourteko gudua (1415) irabazi zuen. Bere erreinaldiaren bukaeran Troyesko hitzarmena sinatu zuen, bere semea gaitzetsi eta oinordeko Henrike V.a izendatuz.
Ezkontza eta seme-alabak
Karlos 1385ean Elisabet Bavariakoarekin ezkondu zen. Hamabi seme-alaba izan zituzten:
- Karlos (1386-1386)
- Joanes (1388-1390)
- Elisabet (1389-1409), Rikardo II.a Ingalaterrakoa eta Karlos Orléanskoarekin ezkondu zena.
- Joana (1391-1433), Joanes VI.a Bretainiakoa ezkondu zuena.
- Karlos (1392-1401)
- Maria (1393-1438), moja
- Michelle (1395-1422), Filipe Borgoinakoarekin ezkondu zena.
- Luis (1397-1415)
- Joanes (1398-1417)
- Katalina (1401-1438), Henrike V.a Ingalaterrakoa eta Owen Tudorrekin ezkondu zena.
- Karlos (1403-1461), oinordekoa
- Filipe (1407-1407)
Odette Champdiverskoa maitalearekin Margarita alaba izan zuen.
Erreferentziak
- Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2014/08/06 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.
Aurrekoa Karlos V.a Frantziakoa |
Frantziako erregea 1380-1422 |
Ondorengoa Karlos VII.a Frantziakoa |
Wikimedia Commonsen badira fitxategi gehiago, gai hau dutenak: Karlos VI.a Frantziakoa |