Itziar Diez de Ultzurrun
Itziar Diez de Ultzurrun | |
---|---|
Bizitza | |
Jaiotza | Iruñea, 1967 (56/57 urte) |
Herrialdea | |
Familia | |
Aita | Pedro Díaz Ultzurrun Etxarte |
Hezkuntza | |
Heziketa | Euskal Herriko Unibertsitatea |
Hizkuntzak | euskara gaztelania |
Jarduerak | |
Jarduerak | itzultzailea, filologoa eta antropologoa |
Itziar Diez de Ultzurrun Sagalà (Iruñea, 1967) itzultzaile, filologo eta antropologoa da. Itzultzailea da Nafarroako Gobernuan 1995az geroztik eta EIZIEko lehendakaria da 2019tik (Euskal Itzultzaile, Zuzentzaile eta Interpreteen Elkartea).[1]
Euskal Herriko Unibertsitatean Euskal Filologia lizentziatura egin zuen, baita Gizarte eta Kultur Antropologia ere. Horretaz gain, itzulpengintzako masterra burutu zuen.
Gaur egun, itzultzaile dihardu Nafarroako Gobernuan 1995eko urriaz geroztik. Bere ikaszaletasuna ez du ordea itzulpengintzak mugatzen; aditua da, baita ere, Bakearen Kulturan, Gizarte Kohesioan, Kultura arteko Elkarrizketan nahiz Genero Berdintasunean.
2010ean, Linh jaunaren biloba lanarekin, Vitoria-Gasteiz Itzulpen Saria jaso zuen Gazte Literatura sailean. 2011. Urtean, berriz, Euskadi Literatura Sariko itzulpen arloan finalista gelditu zen, Philippe Claudelen Brodecken Txostena itzulpen-lanari esker.
Bestalde, Diez de Ultzurrun ezaguna da euskarara ekarri dituen hainbat literatura-lani esker. Euskara, gaztelania, ingelesa eta frantsesa ditu sorburu-hizkuntzak , eta euskara eta gaztelania xede-hizkuntzak. 31 eskutik talde-blogean hainbat testu argitaratu ditu itzulpengintzari eta euskarari buruz eta Berria egunkarian ere aritu da artikulugile.
Itzulpenak egiteaz gain, zuzentzaile moduan ere aritzen da.
EIZIEko lehendakaria da 2019az geroztik.
Pedro Diez de Ultzurrun Etxarte euskal idazlearen alaba da.
Itzulpenak
[aldatu | aldatu iturburu kodea]- Indarkeriaz, Hannah Arendt (2021)
- Munduko Poesia Kaierak , Louis Aragon (2019)
- King Kong teoria Despentes, Virginie (2017)
- Dalloway Andrea, Virginia Woolf (2014)
- Gauzak Perec, Georges (2014)
- Tunisian girl: udaberri arabiarraren aldeko blogaria Mhenni, Lina ben (2012)
- Brodecken txostena Claudel, Philippe (2011)
- Linh jaunaren biloba Claudel, Philippe (2010)
- Bikarioetxeko hilketa Christie, Agatha (2008)
Erreferentziak
[aldatu | aldatu iturburu kodea]- ↑ «EIZIE Elkartea. Antolaera» EIZIE (Noiz kontsultatua: 2021-07-27).