Tunguska Beherea
Tunguska Beherea Ни́жняя Тунгу́ска | |
---|---|
Datu orokorrak | |
Mota | ibai |
Luzera | 2.989 km |
Geografia | |
Koordenatuak | 58°02′42″N 105°40′39″E / 58.0451°N 105.6775°E |
Estatu burujabe | |
Errusiako kraiak | |
Hidrografia | |
Ibaiadarrak | |
Arroaren azalera | 473.000 km² |
Arro hidrografikoa | Yenisey basin (en) |
Ur-emaria | 3.680 m³/s |
Iturburua | Erdialdeko Siberiako goi-ordokia |
Bokalea () | Jenisei |
Tunguska Beherea[1] (errusieraz: Ни́жняя Тунгу́ска, translit.: Nizhnyaya Tunguska, ˈnʲiʐnʲəjə tʊnˈguskə ahoskatua) erdialdeko Siberiako ibaia da, Jeniseiren eskuinaldeko ibaiadarra, Errusiako Irkutsk oblasta eta Krasnoiarsk kraia zeharkatzen dituena. 2.989 km luze da eta 471.300 km²ko arroa drainatzen du[2].
Geografia
[aldatu | aldatu iturburu kodea]Erdialdeko Siberiako goi-ordokian sortzen da, Irkutsk oblastan, Jenisei eta Lena ibai-arroen banalerrotik gertu. Goi-ordokia zeharkatzen du, lehenik iparralderanzko norabidean, eta mendebalderanzkoan aurrerago. Goi ibilguko harana zabala da, hondarpe askorekin[2]; behe ibilguan, berriz, harana estuagoa da eta ibai-laster ugari dago. Turukhansketik hurbil (Krasnoiarsk kraia) Jeniseira isurtzen da.
Tunguska Behereak zeharkatzen dituen eskualdeak oso gutxi jendeztaturik daude. Tura, Jukti eta Simenga dira ibai ertzeko herri nagusiak.
Hidrometria
[aldatu | aldatu iturburu kodea]Tunguska Beherearen emaria 1938-1999 bitartean neurtua izan da Boltxoi Porogen (ahoa baino 125 km lehenago)[3]. Gune horretan, drainatutako eremuak 447.000 km² ditu, arro osoaren % 94,8. Urteko batez besteko emaria 3.490 m³/s da; emari handiena ekainean du (19.701 m³/s), elurra urtzen delarik, eta txikiena martxoan (206 m³/s). Urritik maiatzera izozturik egoten da.
Tunguska Beherearen batez besteko emariak (m³/s), Boltxoi Porogen neurtuak
Datuak: 1938 eta 1999 artean
Erreferentziak
[aldatu | aldatu iturburu kodea]- ↑ Euskaltzaindia. Europako toponimia fisikoa. .
- ↑ a b Nizhnyaya Tunguska River[Betiko hautsitako esteka] Global.britannica.com
- ↑ Nizhnyaya Tunguska At Bol'shoy Porog
Kanpo estekak
[aldatu | aldatu iturburu kodea]{{#coordinates:}}: cannot have more than one primary tag per page