Alfred Hitchcock Presents

Alfred Hitchcock Presents (euskaraz: «Alfred Hitchcockek Aurkezten Du») AEBtako suspenseko telesaila bat izan zen. Bere izenburuak ongi adierazten duen gisa "suspensearen aztia" edota "suspensearen maisua" ezizena jaso zuen Alfred Hitchcock zinema zuzendariak sortu eta bere ezaugarri nagusia zen umore ironiko eta beltzarekin aurkeztutako telesaila bat zen, bertan 10 denboralditan zehar leku, aktore eta istorio ezberdinez osatutako umore beltz eta suspensez beteriko atalak aireratu zirelarik.

Alfred Hitchcock Presents
Jatorria
Sortzailea(k)	Alfred Hitchcock
Izenburua	Alfred Hitchcock Presents
Jatorrizko hizkuntza	ingelesa
Jatorrizko herrialdea	Ameriketako Estatu Batuak
Sasoi kopurua	7
Atalak	361
Banatze bidea	eskatu ahalako bideo, teledifusio eta home video release (en)
Ezaugarriak
Genero artistikoa	telesail antologikoa
Iraupena	30 minutu
Kolorea	zuri-beltzekoa
Ekoizpena
Ekoizlea	Joan Harrison Norman Lloyd
Aurkezlea	Alfred Hitchcock
Bestelako lanak
Musikagilea	Charles Gounod
Emanaldia
Jatorrizko igorlea	CBS NBC CBS NBC
Hasiera-data	1955eko urriaren 2a
Amaiera-data	1965eko maiatzaren 10a
Fikzioa
Kontakizunaren tokia	Universal Studios
kronologia
Alfred Hitchcock Presents →The Alfred Hitchcock Hour (en)

1955eko urriaren 2tik eta 1965eko maiatzaren 10era zuri-beltzean aireratu zen, bai CBS (1955–1960 eta 1962–1964) nahiz NBC (1960–1962 eta 1964–1965) telebista kateetan, ondoren mundu osoko herrialdeetako kateetan berraireratu zelarik.

Telesailak mundu osoan zehar sekulako arrakasta izan zuen, telesailaren ikurra Hitchcockek alboko profila eta Charles Gounod frantziar musikagilearen Hileta Martxa doinua izan zirelarik. Bertan, eta Hitchcock zuzendariaz gain, gerora ezagun bilakatu ziren beste hainbat zuzendarik ere atalak zuzendu zituzten, tartean Robert Altman, Sydney Pollack, Robert Stevenson, Ida Lupino, Don Taylor, Arthur Hiller...

Aktoreak

Telesailak iraun zuen denboraldi luzean zehar atal bakoitzeko aktore ugarik antzeztu izan zuten, ospetsuenak honako hauek izan zirelarik:

• Barbara Bel Geddes
• Charles Bronson
• John Cassavetes
• James Coburn
• Joseph Cotten
• Bette Davis
• Robert Duvall
• Tom Ewell
• Peter Falk
• John Forsythe
• Vinton Hayworth
• Peter Lorre
• Steve McQueen
• Walter Matthau
• Elizabeth Montgomery
• Roger Moore
• Kim Novak
• Vincent Price
• Robert Redford
• Burt Reynolds
• William Shatner
• Martin Sheen
• Robert Vaughn
• Dick York

Kanpo estekak

• Alfred Hitchcock Presents telesailaren IMDBko fitxa irakurgai (Ingelesez)
• Alfred Hitchcock Presents telesailaren sarrerako doinua eta aurkezpena ikusgai eta entzungai (Ingelesez)

• Datuak: Q1247206
• Multimedia: Alfred Hitchcock Presents / Q1247206