John Bunyan
John Bunyan (ˈbʌnjən ahoskatua; Elstow, Bedfordshire, 1628ko azaroaren 30a - Londres, 1688ko abuztuaren 31) ingeles teologo eta idazlea izan zen. Parlamentuko armadaren lerroetan borrokatu zen Gerra Zibilean (1644). Ezkondu ondoren (1647), emaztearen erlijio-liburuen irakurketaren bidez bokazioa aurkitu zuela eta, Eliza baptistaren ministro bihurtu zen (1657). Aparteko etorriaren jabe, Karlos II.a errege egin zutenean, haren predikuak Errestaurazioaren aurkakoak zirela eta, hamabi urtez eduki zuten presondegian (1660-1672). Han idatzitako Grace abounding to the chief of sinners (1666, Bekatu handienari ematen zaion grazia) lana egilearen erruen aitorpen zuzena da. Beste obra bat, The Life and Death of Mr. Badman (1680, Badman jaunaren bizitza eta heriotza), non pasadizoak bekatuen argigarri gisa ageri diren, eleberri moralaren aitzindaria da. The Pilgrim´s Progress from this world to that which is to come (1678, 1684, Erromesaren bidaia mundu honetatik datorrenera) da Bunyanen obra nagusia, Ingalaterran Bibliaren ondoan irakurriena izan zena.
John Bunyan | |
---|---|
Bizitza | |
Jaiotza | Elstow (en) |
Herrialdea | |
Lehen hizkuntza | ingelesa |
Heriotza | Londres, 1688ko abuztuaren 31 (59 urte) |
Hobiratze lekua | Bunhill Fields Burial Ground (en) |
Familia | |
Ezkontidea(k) | first wife of John Bunyan (en) Elizabeth Bunyan (en) |
Hezkuntza | |
Heziketa | Bedford School (en) |
Hizkuntzak | ingelesa |
Jarduerak | |
Jarduerak | teologoa, idazlea, predikaria, eleberrigilea eta tinker (en) |
Lan nabarmenak | ikusi
|
Genero artistikoa | Alegoria |
Sinesmenak eta ideologia | |
Erlijioa | Baptismoa |
Erreferentziak
aldatuWikimedia Commonsen badira fitxategi gehiago, gai hau dutenak: John Bunyan |
- Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.
Artikulu hau Ingalaterrako biografia baten zirriborroa da. Wikipedia lagun dezakezu edukia osatuz. |