Ur Apalategi

Ur Apalategi Idirin (Paris, Frantzia, 1972ko abenduaren 28a) euskal idazlea da.

Ur Apalategi
(2011) Irudi gehiago
Bizitza
Jaiotza	Paris, 1972ko abenduaren 28a (51 urte)
Herrialdea	Lapurdi
Familia
Aita	Jokin Apalategi
Ama	Maite Idirin
Hezkuntza
Hizkuntzak	frantsesa euskara gaztelania
Jarduerak
Jarduerak	filologoa, idazlea, unibertsitateko irakaslea eta editorea
Enplegatzailea(k)	Paueko eta Aturrialdeko Unibertsitatea
Jasotako sariak	ikusi Euskadi saria - Euskarazko literatura  (2011) : Fikzioaren izterrak Beterriko Liburua Ohorezko Literatur Aipamena  (1997) : Gauak eta hiriak
Kidetza	Udako Euskal Unibertsitatea

Biografia

Maite Idirin eta Jokin Apalategiren semea, Euskal Filologian doktorea da, eta Zuzenbidean eta Letra Frantsesetan lizentziaduna. Paue eta Aturriko Herrietako Unibertsitatean Euskal Literaturako irakasle katedraduna da. Irakasteaz gain, kolaborazioak idatzi ditu hainbat egunkaritan, hala nola Garan, Euskaldunon Egunkarian, Berrian edo Maiatz aldizkarian.

Idazle gisa bi bider irabazi du Beterriko liburua saria (Gauak eta hiriak, 1997, eta Fizkizoaren izterrak, 2010). 2011n Euskadi saria irabazi zuen Fikzioaren izterrak ipuin liburuarekin.

Editore gisa Utriusque Vasconiae argitaletxeko "Kritika literarioa" sailaren sortzaile eta kudeatzaile izan da (2002-2018). 25 liburu argitaratu ditu sail horrek.

Euskaltzain urgazlea da.

Lanak

Nobela

• Gauak eta hiriak (1997, Elkar). 1998an Beterriko Liburua Saria.
• Gure Gauzak S.A. (2004, Utriusque Vasconiae). Euskarazko argitaletxeei buruzko intrigazko eleberri polemikoa.
• Fikzioaren izterrak (2010, Susa). 2011ko Euskadi Literatura-Saria irabazi zuen "Euskarazko Literatura" atalean. Beterriko liburua saria ere jaso zuen obra honek.

Saiakera

• La naissance de l'écrivain basque. L'évolution de la problématique littéraire de Bernardo Atxaga (2000, L'Harmattan).
• Belaunaldi literarioak auzitan (2005, Utriusque Vasconiae)
• Ramon Saizarbitoria : l'autre écrivain basque, (2013, L'Harmattan)

Poesia

• Erdi guneak (1995, Maiatz), Unai Goieaskoetxea Arronategirekin batera idatzia.

Ikus, gainera

• Ipar Euskal Herriko idazleak

Kanpo estekak

• Ur Apalategi Idirin literaturaren zubitegian
• Ur Apalategi Euskal Idazleen Elkartean
• Elkarrizketa Argia astekarian

• Datuak: Q12268598
• Multimedia: Ur Apalategi / Q12268598