Yokohama F. Marinos

Yokohama F. Marinos (japonieraz: 横浜F・マリノス, Yokohama Efu Marinosu) Japoniako futbol talde bat da, Yokohama hirikoa, Japoniako 3 Liga eta 7 Kopa irabazi ditu besteak beste.

Yokohama F. Marinos

Sorrera	1972
Futbol zelaia	International Stadium Yokohama edukiera: 72.327 lagun inaugurazioa: 1998
Presidentea	Ryōji Kurosawa
Entrenatzailea	Ange Postecoglou
Liga	Japoniako 1 maila
2023	2.a
Webgunea	http://www.f-marinos.com/
Etxekoa 　 Kanpokoa

International Stadium Yokohama (Nissan Stadium).

2013ko taldea.

Historia

1972an Nissan Motors SC izenarekin sortu zen taldea Yokohaman. Liga erdi-amateurrean gora egin zuen eta 1988 eta 1989ko ligak irabazi zituen. 80. hamarkadan Enperadorearen kopa ere lau aldiz irabazi zuen. 1993an liga profesionala hasi zenean talde indartsuenetakoa zen, Asiako Futbol Errekopa bera ere irabazi baitzuen, baina 1995etik aurrera gainbehera iritsi zitzaion eta 2003 arte ez zuen liga berria eskuratu. 1999an Yokohama Flügels taldearekin bat egin zuen, hortik taldearen izeneko "F" hizkia.

Euskaldunak ere izan dira Yokohama F. Marinosen. Julio Salinas jokalari bilbotarra bertan aritu zen 1998 eta 2000 urteen artean eta 47 partidatan 34 gol sartu zituen. 1997-98 denboraldian Xabier Azkargorta azpeitiarra izan zen entrenatzailea.

2013 denboraldian ligako bigarren postua eskuratu du eta kopako txapelduna izan da.

Palmaresa

Japonian: 15

• Japoniako liga (5): 1995, 2003, 2004, 2019, 2022.
  • Liga amateurra (2): 1989, 1990.
• Enperadorearen Kopa (7): 1983, 1985, 1988, 1989, 1991, 1992, 2013.
• Ligako Kopa (1): 2001.

Nazioartean: 2

• Asiako Futbol Errekopa (2): 1992, 1993.

Kanpo estekak

• Datuak: Q854932
• Multimedia: Yokohama F. Marinos / Q854932