Concord (Massachusetts)

Henda greinin er ikki tann einasta við heitinum Concord.
Hygg at Concord (fleiri týdningar) fyri at finna aðrar greinir við hesum heitinum.

Concord er ein amerikanskur býur, ið liggur í eystara parti av stakríkinum Massachusetts. Býurin er staddur í Middlesex County, 40 km í ein útnyrðing av Boston.

Concord hevði í 2018 umleið 19.211 íbúgvar.^[1]

Tætt við miðbýin renna áirnar Sudbury og Assabet saman í eitt. Her byrjar Concord-áin.

Søga

Concord varð grundlagdur av bretskum niðursetumonnum í 1635.

Tann 19. apríl 1775 byrjaði við orrustuni í Lexington og Concord kringsetingin av Boston og samstundis byrjaði hervið Amerikanska Frælsiskríggið.

Býurin Concord hevur sera stóran týdning fyri amerikanskar bókmentir. Kendir rithøvundar sum Ralph Waldo Emerson (1803-1882), Henry David Thoreau (1817-1862), Nathaniel Hawthorne (1804 -1864) og Louisa May Alcott (1832-1888) búðu eitt tíðarskeið í býnum.

Høvuðsgøtan í miðbýnum.
Høvuðsgøtan í miðbýnum.
Concord-áin
Søguliga brúgvin "Old North Bridge" í Concord.
"The Old Manse", bústaður hjá Ralph Waldo Emerson og seinni Nathaniel Hawthorne
"The Wayside", bústaður hjá Louisa May Alcott, Nathaniel Hawthorne og Margaret Sidney
"Wheeler-Minot Farmhouse", føðistaðurin hjá Henry David Thoreau.
Drúvuslag "Concord grape"
Heyggurin "Punkatasset Hill", norðan fyri miðbýin, er 88 m høgur.
Staðið nærhendis Waldenvatn, har smáttan hjá Thoreau stóð.
Vatnið "Walden Pond" í Concord.
Waldenvatn á vetri.