OC Modeling
OC Modeling | ||
algemien | ||
nasjonaliteit | ||
type | privaat | |
sektor | ympressariaat | |
fêstige yn | Chatsworth (Los Angeles) | |
oprjochte | 2010 | |
oprjochter | Sandra McCarthy | |
eigner | Sandra McCarthy | |
sifers | ||
omset | $170.000[1] | |
aktyf yn | de Feriene Steaten | |
wurknimmers | 4[1] | |
offisjele webside | ||
ocmodeling.com |
OC Modeling is in Amerikaansk bedriuw dat him taleit op 'e bemiddeling yn 'e Amerikaanske pornoyndustry, tusken filmprodusinten en regisseurs oan 'e iene kant en akteurs oan 'e oare kant.[2] De namme fan it ympressariaat ferwiist nei Orange County, in county yn it suden fan 'e Amerikaanske steat Kalifornje, ûnder de reek fan 'e stêd Los Angeles. OC Modeling is lykwols fêstige yn Chatsworth,[1] in wyk fan Los Angeles, yn it oanbuorjende Los Angeles County.
It ympressariaat waard yn 2010 oprjochte troch Sandra McCarthy,[1] dy't anno 2018 noch altyd de eigneresse fan it bedriuw is.[1] OC Modeling hat sawol manlike as froulike modellen ûnder kontrakt,[2] dy't beskikber binne foar glamourfotografy, neakenfotografy en pornografyske fotoshoots en filmopnames.[2] Guon fan 'e bekendste pornoaktrises dy't fertsjintwurdige wurde troch OC Modeling, binne (anno 2018): Briana Banks, Brooklyn Chase, Diamond Foxxx, Aaliyah Hadid, Alura Jenson, Dakota Skye en Cindy Starfall.[2]
Keppelings om utens
[bewurkje seksje | boarne bewurkje]Boarnen, noaten en/as referinsjes: |