Susan Boyle
Susan Boyle (Blackburn, 1 april 1961) is in frijwilliger fan de tsjerke en sjongster út Skotlân dy't ferneamd waard doe't hja op 47-jierrige leeftyd meidie oan de tredde rige fan Britain's Got Talent. Hja song dêr it ferske "I Dreamed a Dream" fan Les Misérables yn de earste rûnde fan it program.
Susan Boyle | ||
Susan Boyle, 2013 | ||
persoanlike bysûnderheden | ||
echte namme | Susan Magdalane Boyle | |
nasjonaliteit | Britsk | |
berne | 1 april 1961 | |
berteplak | Blackburn | |
etnisiteit | Skotsk | |
wurkpaad | ||
sjenre | Popmuzyk | |
sjongtaal | Ingelsk | |
jierren aktyf | 2009-no | |
offisjele webside | ||
http://www.susanboylemusic.com/nl/ |
Foar sy begûn mei sjongen, oppenearre it publyk en sjuery har tige negatyf om har foarkommen en leeftyd. Lykwols doe't hja ophold mei sjongen gong it publyk stean en wienen sjuery en publyk tige entûsjast oer har moaie sjongen. Hja krige in steande ovaasje fan it publyk, en 'yes'-stimmen fan alle trije sjueryleden. De audysje wie opnommen yn jannewaris 2009 yn it Clyde Auditorium yn Glasgow, Skotlân.
Oer it ynternet wiene der mei in wike al likernôch 50 miljoen minsken dy't har optreden yn Britain's Got Talent sjoen hienen. Kranten en nijswebsiden oer de hiele wrâld skreaune oer har. Sjuerylid Cowell besocht Boyle te kontraktearjen foar syn eigen Syco Music-platelabel, in dochter fan Sony Music.
Fan 2021 ôf hat Boyle 25 miljoen platen ferkocht. Har debútalbum, I Dreamed A Dream (2009 ), is ien fan de bêst ferkochte albums fan de 21e iuw, mei mear as 10 miljoen ferkochte eksimplaren wrâldwiid, en it wie ynternasjonaal it bêst ferkochte album yn 2009. [1]
Studio albums
bewurkje seksje- I Dreamed a Dream (2009)
- The Gift (2010)
- Someone to Watch Over Me (2011)
- Standing Ovation: The Greatest Songs from the Stage (2012)
- Home for Christmas (2013)
- Hope (2014)
- A Wonderful World (2016)
- Ten (2019)
Prizen en nominaasjes
bewurkje seksjeJier | Ynstelling | Kategory | Resultaat |
---|---|---|---|
2011 | 53e Grammy Awards | Best Pop Vocal Album – I Dreamed a Dream[2] | nom |
2012 | 54e Grammy Awards | Best Traditional Pop Vocal Album – The Gift[3] | nom |
Keppeling om utens
bewurkje seksje- Fanside fan Susan Boyle Ingelsk
- (in) Fideo fan it debútoptreden fan Susan Boyle op ITV.com
- (in) Iere opnames fan Susan Boyle, Cry me a river en Killing me softly
Ofbylden dy't by dit ûnderwerp hearre, binne te finen yn de kategory Susan Boyle fan Wikimedia Commons. |
Boarnen, noaten en/as referinsjes: |