Julia Roberts: Diferenzas entre revisións

Julie Roberts, nada como Julie Fiona Roberts en Smyrna, Xeorxia, o 28 de outubro de 1967, é unha actriz estadounidense gañadora dos premios Oscar e Globo de Ouro.

Traxectoria

Os seus pais, antes de que ela nacese, mantiveran un taller de interpretación. Divorciáronse en 1971. O pai, Walter, era vendedor e mantivo sempre con Julia unha relación moi profunda. Morreu de cancro en 1976, cando ela apenas contaba nove anos, o que a afectou profundamente.

Julia ten dous irmáns, o popular Eric Roberts (1956) e Lisa (1965), que tamén son actores. Ten tamén unha medio irmá: Nancy. Julia asistiu á escola primaria de Fitzhugh, continuou os seus estudos en Griffiny finalizounos na High School de Campell, todas elas na propia Smyrna. Sempre quixo ser veterinaria, pero terminou estudando xornalismo, trasladouse con Lisa a Nova York e iniciou a súa carreira de actriz en 1987 cun pequeno papel en Firehouse. Custoulle conseguir outro traballo, ata que o seu irmán Eric, falou con Peter Masterson para que lle dese un papel no drama Blood Red, que non triunfou. A película ía ser dirixida polo propio Eric e o veterano Dennis Hopper.

Debutou na pantalla grande en Mystic Pizza (1988). En 1990, xunto a Richard Gere interpretou a unha prostituta en Pretty Woman, co que obtivo unha nominación ó Oscar. O seu entrañable personaxe en Pretty Woman seduciu a público e crítica. Daquela converteuse na actriz mellor pagada de Hollywood cun salario de entre 16 e 17 millóns de dólares por película. Sempre foi un reclamo millonario para a billeteira.

Sendo unha das raíñas da comedia romántica, non lograra demostrar a súa valía en papeis máis serios. Esa espiña sacoulla uns anos máis tarde grazas a súa interpretación en Erin Brockovich, que lle valeu por fin o Oscar á mellor actriz. No ano 2001, Julia coprotagonizou xunto a Brad Pitt o filme The Mexican.

Vida persoal

Julia tivo moitos mozos, entre eles os actores: Liam Neeson, Dylan McDermott, Kiefer Sutherland, Jason Patric e Daniel Day-Lewis.

Casou o 27 de xuño de 1993 coa estrela da música country Lyle Lovett, en Marion (Indiana). A unión durou ata marzo de 1995 en que se divorciaron, aínda que ambos manteñen desde entón unha boa relación.

Na rodaxe do filme The Mexican namorou do cámara Danny Moder, rompendo a súa relación con Brad. Danny e Julia casaron en xullo de 2002. O domingo 28 de novembro de 2004 Julia Roberts tivo n'Os Ánxeles ós xemelgos Phinnaeus Walter e Hazel Patricia. O 18 de xuño de 2007 nacía o terceira fillo da parella, Henry Daniel Moder.

Filmografía

Julia Roberts cun soldado estadounidense no hospital da base aérea de Incirlik (Turquía), 7 de decembro de 2001.

• Blood Red (1986)
• Satisfaction (1987)
• Baja Oklahoma (1987)
• Mystic Pizza (1988)
• Steel Magnolias (1989)
• Pretty Woman (1989)
• Flatliners (1990)
• Sleeping with the Enemy (1990)
• Dying Young (1991)
• Hook, o capitán Garfo (1991)
• The Player (1992)
• The Pelican Brief (1993)
• A century of cinema (1994)
• I Love Trouble (1994)
• Prêt-à-porter (1994)
• Something to Talk About (1995)
• Michael Collins (1996)
• Mary Reilly (1996)
• Everyone Says I Love You (1996)
• My Best Friend's Wedding (1997)
• Conspiracy Theory (1997)
• Stepmom (1998)
• Notting Hill (1999)
• Runaway Bride (1999)
• Erin Brockovich (2000)
• Ocean's Eleven (2000)
• America's Sweethearts (2001)
• Confessions of a Dangerous Mind (2002)
• Monalisa Smile (2003)
• Closer (2004)
• Ocean's Twelve (2004)
• Ant Bully (2006)
• Charlotte's Web (2006)
• Charlie Wilson's War (2007)
• Fireflies in the Garden (2008)
• Duplicity (2009)
• Valentine's Day (2010)
• Eat Pray Love (2010)
• Larry Crowne (2011)

Premios

Oscars

Ano	Categoría	Película	Resultado
2000	Oscar á mellor actriz	Erin Brockovich	Gañadora
1990	Oscar á mellor actriz	Pretty Woman	Candidata
1989	Oscar á mellor actriz de reparto	Steel Magnolias	Candidata

Globos de Ouro

Ano	Categoría	Película	Resultado
2010	Globo de Ouro á mellor actriz - Comedia ou musical	Duplicity	Candidata
2008	Globo de Ouro á mellor actriz de reparto	La guerra de Charlie Wilson	Candidata
2001	Globo de Ouro á mellor actriz - Drama	Erin Brockovich	Gañadora
2000	Globo de Ouro á mellor actriz - Comedia ou musical	Notting Hill	Candidata
1998	Globo de Ouro á mellor actriz - Comedia ou musical	My Best Friend's Wedding	Candidata
1991	Globo de Ouro á mellor actriz - Comedia ou musical	Pretty Woman	Gañadora
1990	Globo de Ouro á mellor actriz de reparto	Steel Magnolias	Gañadora

Premios BAFTA

Ano	Categoría	Película	Resultado
1990	Mellor actriz	Pretty Woman	Candidata
2000	Mellor actriz	Erin Brockovich	Gañadora

Premios do Sindicato de Actores

Ano	Categoría	Película	Resultado
2000	Mellor actriz protagonista	Erin Brockovich	Gañadora

Festival Internacional de Cine de Donostia-San Sebastián

Ano	Premio	Resultado
2010	Premio Donostia	Gañadora

Véxase tamén

Ligazóns externas

• Sempre Julia Roberts (en francés)
• Julia Roberts na IMDb (en inglés).