Aeroporto Josep Tarradellas Barcelona-El Prat
Aeroporto Josep Tarradellas Barcelona–El Prat Aeroport Josep Tarradellas Barcelona - El Prat
| |||
---|---|---|---|
Sumario | |||
Tipo | Público | ||
Propietario | Aena | ||
Cidade/Illa | Barcelona | ||
Localización | El Prat de Llobregat | ||
Elevación (msnm) | 4 metros / 14 pés | ||
Coordenadas | Coordenadas: 41°17′49″N 2°04′42″L / 41.296944, 2.078333 | ||
Web | |||
Pista(s) | |||
Dirección | Longo | Superficie | |
metros | pés | ||
7L/25R | 3 743 | 12 281 | formigón asfáltico |
7R/25L | 2 660 | 8 727 | formigón asfáltico |
02/20 | 2 540 | 8 334 | formigón asfáltico |
Estatísticas (2017) | |||
Pasaxeiros | 47 284 500 | ||
Aumento pasaxeiros | |||
Operacións | 323 539 | ||
Aumento operacións | |||
Carga (tons) | 156 105 | ||
Aumento carga | |||
Fonte: AENA[1] |
O Aeroporto Josep Tarradellas Barcelona–El Prat (IATA: BCN, OACI: LEBL) é un aeroporto español da rede de AENA que dá servizo á cidade de Barcelona. Atópase 10 km ao suroeste da cidade, no municipio de El Prat de Llobregat, a unha altura de 4 metros sobre o nivel medio do mar. É o maior aeroporto en extensión e tráfico de Cataluña, e o segundo de maior tráfico de España tralo Aeroporto de Madrid-Barajas,[2] co que mantén o corredor aéreo regular de pasaxeiros máis transitado do mundo.[3] Ademais é o oitavo aeroporto de Europa por pasaxeiros e o 35º do mundo.
Historia
[editar | editar a fonte]O primeiro campo de aviación de Barcelona situouse en El Remolar (Viladecans) en 1916 en terreos dunha granxa avícola chamada La Volatería, da que tomou o seu nome. Dous anos máis tarde un novo campo de aviación foi aberto en El Prat de Llobregat a uns centos de metros da anterior localización. O primeiro avión en aterrar foi un Latecoere Salmson 300 da liña de Pierre-Georges Latécoère, que chegou de Tolosa con destino final Casablanca. O aeroporto foi utilizado como sede do Aeroclub de Cataluña e como base para a frota de Zeppelin e hidroavións da Armada e do Exército de Terra Español. Os servizos comerciais regulares comezaron en 1927 coa liña de Iberia que o unía co Aeroporto de Cuatro Vientos de Carabanchel Alto. Esta liña foi a primeira liña de Iberia.
Na década de 1940 decidiuse ampliar o aeroporto, para o que entre 1941 e 1946 realizáronse unha serie de obras para unir os dous aeródromos. En 1948 estreouse a pista 07-25 e operou o primeiro voo intercontinental operado pola aeroliña Pan American a Nova York con avións Lockheed Constellation. Entre 1948 e 1952 construíuse unha segunda pista perpendicular á anterior, así como rúas de rodaxe e unha terminal para atender aos pasaxeiros. En 1963 alcanzouse o millón de pasaxeiros anuais e dous anos máis tarde volveuse a ampliar a pista principal e engadíuselle unha rúa de rodaxe con rúas de saída rápida. Ese mesmo ano tamén se construíu unha torre de control e unha nova plataforma de estacionamento de aeronaves. En 1968 abriuse unha nova terminal que actualmente é o á máis vella da terminal T2B.
O día 3 de agosto de 1970 a compañía aérea Pan American inaugurou unha liña regular entre Barcelona-El Prat, Lisboa e Nova York operada cun Boeing 747SP. O 4 de novembro Iberia iniciou o servizo de ponte aérea entre Barcelona-El Prat e Madrid-Barajas. Poucos anos máis tarde, en 1976, inaugurouse unha terminal específica para esta ruta, unha terminal exclusiva para carga, un servizo anexo de correos e unha plataforma de estacionamento para avións de carga aérea. No ano 1977 o aeroporto supera os 5 millóns de pasaxeiros anuais.
Desde finais dos setenta ata principios dos noventa o aeroporto estivo estancado tanto en tráfico como investimentos ata que a preparación para os Xogos Olímpicos de 1992 impulsou unha nova reforma que consistiu na modernización e ampliación da terminal existente naquel momento (terminal B) e a construción das outras dúas (terminais A e C) que xa incorporaban pasarelas de acceso directo ao avión. Esta reforma foi deseñada polo arquitecto Ricardo Bofill Levi. En 1996 inaugúrase a nova torre de control tamén deseñada por Ricardo Bofill Levi.
Debido á forte baixada do tráfico aéreo que se sufriu logo de 1999 e a crise do sector aéreo en 2001, desviáronse a Barcelona-El Prat moitas operacións chárter que se realizaban nos aeroportos de Xirona e Reus, o cal axudou ao aeroporto a aguantar a crise.
Ata o 6 de xuño de 2011, o aeroporto chamábase oficialmente Aeroporto de Barcelona, na que o Ministerio de Fomento ante as presións do Concello de El Prat de Llobregat decide cambiar o nome oficial polo de Aeroporto de Barcelona-El Prat.
Aeroliñas e destinos
[editar | editar a fonte]Pasaxeiros
[editar | editar a fonte]Carga
[editar | editar a fonte]Notas
[editar | editar a fonte]- ↑ AENA (ed.). "Estadísticas de tráfico aéreo" (PDF). Arquivado dende o orixinal (PDF) o 13 de xaneiro de 2018. Consultado o 13 de xaneiro de 2018.
- ↑ O Aeroporto de Palma posúe puntas de tráfico moito maiores no verán que o Aeroporto de Barcelona, pero o cómputo global anual é lixeiramente inferior
- ↑ [1] Arquivado 18 de xaneiro de 2008 en Wayback Machine. Nota de prensa da noticia
- ↑ Routes Online (ed.). "Rossiya adds Moscow Vnukovo – Barcelona seasonal service in S17". Consultado o 9 de outubro de 2017.
- ↑ Routes Online (ed.). "Air China schedules Shanghai – Barcelona May 2017 launch". Consultado o 29 de abril de 2018.
- ↑ Routes Online (ed.). "American adds new International routes in S17". Consultado o 29 de abril de 2018.
- ↑ El Nacional (ed.). "Azores Airlines conectará Barcelona y Boston". Consultado o 29 de abril de 2018.
- ↑ 2017, UBM (UK) Ltd. "Cathay Pacific adds Barcelona service from July 2017".
- ↑ Wilkie, Kirsty. "Belfast Charter Programme to Freedom of the Seas". www.nitravelnews.com. Arquivado dende o orixinal o 14 de novembro de 2016. Consultado o 15 de setembro de 2017.
- ↑ 2017, UBM (UK) Ltd. "Eurowings W17 new short-haul routes as of 23MAR17".
- ↑ "Georgian Airways operará la primera ruta entre España y Georgia". Easyviajar.
- ↑ "Mahan Air plans Barcelona June 2017 launch". Routesonline. Consultado o 10 de marzo de 2017.
- ↑ "Barcelona tindrà vol directe amb Silicon Valley per primera vegada".
- ↑ "All airlines flying from Barcelona (BCN) to Pori (POR).". FlightMapper. Consultado o 9 de maio de 2017.
- ↑ "RyanAir introduces Winter plane 2017/2018 from Frankfurt Am Main Vor". RyanAir. Consultado o 28 de febreiro de 2017.
- ↑ 16,0 16,1 16,2 16,3 "Ryanair W17 new routes as of 05MAR17". Routesonline. Consultado o 5 de marzo de 2017.
- ↑ 2017, UBM (UK) Ltd. "Small Planet expands Lublin service in S17".
- ↑ Spanish airline Vueling will add more flights to Helsinki in winter season 2017–2018 luchtzak.be. 25 de agosto de 2017. Consultado o 26 de agosto de 2017
Véxase tamén
[editar | editar a fonte]A Galipedia ten un portal sobre: Barcelona |
Outros artigos
[editar | editar a fonte]Ligazóns externas
[editar | editar a fonte]- Sitio web do aeroporto en AENA.es
- Información práctica sobre o Aeroporto de Barcelona
- Información e fotografías do aeroporto en Factoría Urbana
- Hiperbólica Torre de Control (estrutura hiperboloide), GOP Oficina de proxectos
- Proxecto de Ricardo Bofill (páxina oficial do obradoiro de arquitectura)