Félix Estrada Catoyra
Félix Domingo Estrada Catoyra, nado en Porto Príncipe (hoxe Camagüey), Cuba, o 26 de novembro de 1853 e finado na Coruña o 14 de marzo de 1938, foi un médico militar e escritor galego en lingua castelá, tesoureiro da Real Academia Galega.[1]
Biografía | |
---|---|
Nacemento | 26 de novembro de 1853 Camagüey, Cuba |
Morte | 14 de marzo de 1938 A Coruña, España |
Datos persoais | |
País de nacionalidade | España |
Relixión | católica |
Educación | Universidade de Santiago de Compostela |
Actividade | |
Ocupación | médico militar , médico , profesor universitario |
Membro de | Real Academia Galega (académico de número) (1921–1938) Real Academia Galega (membro correspondente) (1916–1921) |
Lingua | Lingua castelá |
Familia | |
Cónxuxe | Cristina Carreras Presas y Aguirre |
Irmáns | Ramón Estrada Catoyra |
Traxectoria
editarFillo de Domingo Estrada, natural de Betanzos, e Ramona Catoyra. Estudou Medicina e Farmacia na Universidade de Santiago de Compostela e na Habana. En 1877 ingresou no Corpo de Sanidade do Exército, e ao ano seguinte embarcou para Cuba. Foi catedrático de Historia Natural e Zootecnia da Escola de Agricultura de Cuba.
Regresou a España en 1895. Ascendeu a maior e pasou ao Hospital Militar da Coruña. En 1906 foi destinado a Segovia. En 1910 foi nomeado subinspector médico, e regresou á Coruña ao ano seguinte como médico de Capitanía e xefe de servizos do Hospital Militar, retirándose en 1915.
A proposta de Florencio Vaamonde, Uxío Carré Aldao e Andrés Martínez Salazar, o 8 de agosto de 1921, ingresou na Real Academia Galega, co discurso Algunas consideraciones sobre la transcendencia que para la transformación social de Galicia tuvo el reinado de los Reyes Católicos[2], respondido por Juan Barcia Caballero, e foi tesoureiro desa institución desde 1924 ata 1938.[3] De 1924 a 1926 foi presidente do Círculo de Artesáns, sobre o que publicou o libro Contribución a la Historia de La Coruña. Entre 1931 e 1936 foi concelleiro e tenente de alcalde do Concello coruñés.
Obras
editar- Enfermedades y mortaldad en el ejército. Habana: C. Fernández y Cía, 1883.
- Zootecnia. Ciénaga: [s.n.], 1885.
- Historia de los ejércitos gallegos durante la guerra de la independencia. Santiago: Tip. de El Eco Franciscano, 1916.
- Orientaciones hispanófilas. A Coruña: [s.n.], 1917.
- Informe acerca del capital de la Biblioteca del Real Consulado presentado al Consejo Provincial de Fomento. A Coruña: Tip. El Noroeste, 1924.
- Discurso leído ante la Real Academia Gallega por... David Fernández Diéguez en el acto de su recepción pública. Y contestación del señor D. Félix Estrada Catoyra…". A Coruña: Zincke Hermanos, 1925.
- Los médicos en la conquista de América. Madrid: Imp. Del Ministerio de Marina, 1928.
- Contribución a la historia de La Coruña: la Reunión Recreativa e Instructiva de Artesanos en sus ochenta y tres años de vida y actuación. A Coruña: Tip. El Ideal Gallego, 1930.[4]
- Reseña de la reconquista de Vigo. Vigo: Grafinsa, 1978.[5]
Galería de imaxes
editar-
Ingreso de Ramón Otero Pedrayo na RAG, 1929. Con Manuel Lugrís Freire; Rafael Pérez Barreiro; Eladio Rodríguez González; Estrada Catoyra; Uxío Carré Aldao e Vicente Risco.
-
De pé, de esquerda a dereita: Sebastián González, Eladio Rodríguez, Peinador, López Abente, Pura González, Celia Brañas, Otero Pedrayo, David Fernández Diéguez, Ángel del Castillo e Cortés Bugía. Sentados: Martínez Morás, Castelao, Lugris, Antón Villar Ponte e Estrada Catoyra.[6]
Notas
editar- ↑ Blanco, Manuel (20/11/2011). "Recordando a Félix Estrada Catoyra". La Voz de Galicia (en castelán).
- ↑ Estrada Catoyra, F. (2019). Algunas consideraciones sobre la transcendencia que para la transformación del estado social de Galicia tuvo el reinado de los Reyes Católicos. Real Academia Galega.
- ↑ "Félix Estrada Catoyra". Real Academia Galega..
- ↑ ''Contribución a la historia de La Coruña Arquivado 09 de febreiro de 2018 en Wayback Machine. en Galiciana, Biblioteca de Galicia.
- ↑ Co subtítulo: Trabajo premiado en el Certamen Histórico-Literario promovido por el Excmo. Ayuntamiento de Santiago en el año 1909. Edición non venal patrocinada polo Banco Industrial de Bilbao. Con prólogo e bibliografía de X. M. Álvarez Blázquez.
- ↑ Recepción de Castelao na RAG na Coruña o 25 de xullo de 1934.
Véxase tamén
editarWikimedia Commons ten máis contidos multimedia na categoría: Félix Estrada Catoyra |
Bibliografía
editar- Couceiro Freijomil, A. (1951). "Estrada Catoyra, Félix". Diccionario bio-bibliográfico de escritores (en castelán) I. Santiago de Compostela: Bibliófilos Gallegos. p. 398.