Río Boyne

O río Boyne (en inglés: River Boyne; en irlandés: An Bhóinn ou Abhainn na Bóinne) é un río de Leinster, Irlanda, cun curso duns 112 km de lonxitude. Nace en Trinity Well, Newberry Hall, preto de Carbury, Condado de Kildare, e corre cara ao nordeste a través do condado de Meath até o Mar de Irlanda, desembocando entre Mornington e Baltray. No río abundan os salmóns e as troitas.

Río Boyne

(ga) An Bhóinn
Tipo	río
Epónimo	Boann (pt)
Inicio
División administrativa	Leinster, Irlanda
Final
Localización	Mar de Irlanda
53°21′07″N 6°57′24″O B 53°43′19″N 6°14′37″O
Afluentes	Enfield Blackwater (en)
Características
Dimensións	112 () km
Superficie da cunca hidrográfica	2.695 km²

Pontes a destacar son a que a da autoestrada M1 e a da liña de ferrocarril Dublín-Belfast.

A pesar do seu curto percorrido, o Boyne ten connotacións históricas, arqueolóxicas e míticas importantes. A Batalla do Boyne, a maior batalla da historia irlandesa, tivo lugar polo Boyne preto de Drogheda en 1690 durante a Guerra Guillermita de Irlanda. Pasa cerca da antiga cidade de Trim, a Hill of Tara (a antiga capital do Gran Rei de Irlanda), Navan, Slane, Brú na Bóinne (sitio arqueolóxico), Mellifont Abbey, e a cidade medieval de Drogheda. Na val do Boyne tamén se poden atopar outros monumentos históricos, en Loughcrew e Kells, cruces celtas, castelos...

O río é coñecido deste tempos antiquísimos. O xeógrafo grego Tolomeo debuxou un mapa de Irlanda no século II que incluía o Boyne, que chamou Βουουινδα (Bououinda), que mil anos despois Giraldus Cambrensis chamaría Boandus. Na mitoloxía irlandesa dise que o río foi creado pola deusa Boann ('raíña' ou 'deusa'), segundo F. Dinneen, lexicógrafo da lingua gaélica irlandesa, sendo Boyne a forma anglicanizada do nome. Noutras lendas, foi neste río onde Fionn mac Cumhail capturou a Fiontán, o salmón da sabedoría. A sección sobre Meath do Boyne é tamén coñecida como "Smior Fionn Feidhlimthe" (a 'medula de Fionn Feilim').

En 2006, foron encontrados restos dun barco viquingo no leito do río en Drogheda durante unhas operacións de dragado.

Galería de imaxes

• 
  Vista do Boyne pasando a carón da vila de Trim dende un globo.
• 
  O río Boyne visto dende Brú na Bóinne.
• 
  Ponte sobre o río Boyne.

Véxase tamén

Ligazóns externas

• Salmon fishing on the River Boyne, from Salmon Ireland
• A canoeing and kayaking guide to the River Boyne, from Irish Whitewater