Río Mandeo

Para outras páxinas con títulos homónimos véxase: Mandeo.

O Río Mandeo nace no Marco das Pías na vertente occidental do Alto dos Moscós, a uns 700 metros de altitude e preto do lugar do Mandeo. Atravesa os concellos de Sobrado, Curtis, Aranga, Irixoa, Coirós, Paderne e Betanzos. Forma a ría de Betanzos xunto co río Mendo. A súa conca abrangue 456 km².

Río Mandeo

Tipo	río
Inicio
Altitude inicial	700 m
División administrativa	Provincia da Coruña, España
Localización	O Marco das Pías
Final
División administrativa	Provincia da Coruña, España
Localización	Ría de Betanzos
43°16′54″N 8°12′33″O
Afluentes	Río Deo
Características
Dimensións	56 () km
Medicións
Caudal	23,88 m³/s

Afluentes

O afluente principal do río Mandeo é o río Deo. Xúntanse entre os concellos de Curtis e Aranga, na Castellana. Os outros afluentes son: Portos, Lombaos, Dombrete, Ramalleiro, Lentemil, Portabenza e Zarzo.

Conservación

Parte da zona que percorre é un espazo natural protexido desde 2004 coñecido como zona especial de conservación Betanzos - Mandeo.

O Mandeo na cultura popular

Respecto á orixe do nome do río Mandeo (ou Mandeu), conta a lenda que os mouros acamparon na beira do río para decidir cal camiño e cal táctica debían seguir. Dous caudillos discutiron defenderon posturas encontradas, sen chegar a un acordo, ata que un deles exclamou "Aquí mando eu", de onde lle vén o nome ó río.

No río Mandeo celébrase en agosto a romaría dos Caneiros.

Galería de imaxes

• 
  O Mandeo ao seu paso por Aranga.
• 
  En Aranga
• 
  ibídem
• 
  Entre A Ponte Muniferral (Irixoa) e a A Vila (Aranga).
• 
  ibídem
• 
  En Val do Cambás
• 
  Desembocadura do río Mandeo (esquerda) e Mendo na ría de Betanzos

Véxase tamén

• Pontes sobre este curso de auga (mapa/imaxes) en Wikidata.

Bibliografía

• Rodríguez González, Eladio (1958-1961): Diccionario enciclopédico gallego-castellano. Galaxia, Vigo, s.v. Etimoloxía.