Repsol
Este artigo precisa de máis fontes ou referencias que aparezan nunha publicación acreditada que poidan verificar o seu contido, como libros ou outras publicacións especializadas no tema. Por favor, axude mellorando este artigo. (Desde febreiro de 2016.) |
Repsol é unha empresa española derivada da antiga CAMPSA (Compañía del Monopolio de Petróleos), á que se lle puxo o nome dun dos seus produtos a raíz da facilidade do seu pronunciamento.[1]
| Repsol | |
|---|---|
 | |
 | |
| Tipo | Sociedade anónima |
| Fundación | 1987 |
| Localización | Madrid |
| Persoas clave | Antonio Brufau, Presidente |
| Industria | Petroleira |
| Produtos | Derivados do petróleo, gas natural |
| Beneficio | 37.433 millóns de € (en 2016) |
| Na rede | |
| https://www.repsol.com/, https://www.repsol.es, https://repsol.it/ e https://factura.repsol.com.mx/ | |
        | |
| [ editar datos en Wikidata ] | |
Historia
editarRepsol S.A. é unha sociedade anónima, fundada en 1987 e na súa orixe formada pola agrupación dunha serie de compañías, previamente pertencentes ao Instituto Nacional de Hidrocarburos (INH), con actividades na exploración, produción, transporte e refino de petróleo e gas. Tamén fabrica, distribúe e comercializa derivados do petróleo, produtos petroquímicos e gas licuado e vende gas natural.
O seu nome deriva da marca de lubricantes comercializada por REPESA (Refinería de Petróleos de Vertedoiros), pola súa notoriedade e fácil pronuncia en diferentes idiomas e co obxectivo de transformarse nunha marca líder, de prestixio e recoñecemento mundial. En 1991, o Instituto Nacional de Hidrocarburos (INH) ante a inminente desaparición do monopolio estatal de petróleos fixouse o obxectivo de crear unha empresa de capital mixto público - privado que explotase os activos petroleiros do Estado. Á hora de buscarlle nome realizouse unha enquisa a nivel de rúa e as dúas únicas palabras que a xente recoñeceu e asociou co mundo do petróleo foron CAMPSA (distintivo do antigo monopolio) e REPSOL. Obviamente, elixiuse esta última para dar nome á nova sociedade.
Cando en 1999 Repsol adquiriu practicamente a totalidade das accións da petroleira estatal arxentina YPF, a sociedade pasou a chamarse Repsol YPF, S.A. constituíndo unha empresa multinacional integrada de petróleo e gas natural, converténdose nunha das maiores petroleiras privadas do mundo, con operacións en máis de trinta países, e sendo a maior compañía privada enerxética en Hispanoamérica, en termo de activos.
Repsol opera en máis de 30 países e emprega a máis de 37 000 persoas de múltiples nacionalidades.
O grupo Repsol YPF opera principalmente nas áreas de:
- Exploración e produción.
- Refino e comercialización.
- Química.
- Gas e Electricidade.
En 2020 comeza a redución da importancia do petróleo na empresa, tendo reducido a menos da metade as exploracións de novos xacementos petrolíferos en relación a 2019, e a unha terceira parte en relación a 2008.[2]
Notas
editar- ↑ "La historia de Repsol: nueve décadas construyendo el futuro". REPSOL (en castelán). Consultado o 2020-12-17.
- ↑ lainformacion.com (2020-12-17). "Repsol abandona el petróleo y prepara su salida de cinco mercados estratégicos". La Información (en castelán). Consultado o 2020-12-17.
Véxase tamén
editar| Wikimedia Commons ten máis contidos multimedia na categoría: Repsol |