Jeeagh er bun Rannag

=== Tayrn ennal as kiarkley ny folley ===

Crackan rannagyn, t’eh neuyeenagh da ocsygien as carboan daa-osseed, chammah as ushtey.  Ta ymmodee cuishleeyn faggys da eaghtyr y chrackan.  Tra ta rannag fo ushtey, ta ocsygien goll er sheeyney hug da’n [[corys folley|chorys folley]] dy jeeragh.  Er y thalloo, ta rannagyn aasit jannoo ny scowanyn oc son ennal y hayrn.  Ta ny scowanyn oc gollrish adsyn ec deiney, agh cha nel ny muskylyn chleeu gobbraghey ec tayrn ennal, as cha nel [[asney|asnaghyn]] ny [[skairt (ronsaghey-kirpey)|skairt]] oc.  Son ennal y hayrn, ta rannagyn soo stiagh aer trooid ny tuill stroaney oc, cur er y scoarnagh sheidey seose, as eisht t’ad faastey laare y veeal.  Ta shen cur er yn aer goll stiagh ny scowanyn oc.  Dy mennick, ta cooylley ayns ny tuill stroaney, as ad dooint tra ta’n rannag goll fo ushtey.  Ayns Luanistyn 2007, hooar ad rannag ushtagh ayns boayl fadaneagh ayns Yn Indoneesh.  Y [[rannag Vorneagh kione-rea]] (''Barbourula kalimantanensis''), she yn chied rannag gyn scowanyn as fys urree ec oaylleeaght.

Ta [[cree]] jeh tree shamyryn ec rannagyn, gollrish y chooilley tetrapod, er lhimmey jeh [[ushag]]yn as [[sheeintagh|sheeintee]].  Ta fuill ocsygienit çheet veih ny stooghyn kirp ennal as goll stiagh ayns unnane shamyr.  Ta shamyr elley son fuill jee-ocsygienit dy gholl stiagh ‘sy chree.  Eisht, ta cooylley chaslagh stiurey yn fuill da ny cuishleeyn kiart – [[cuishlin y chree]] son fuill ocsygienit, as y [[cuishley scowanagh]] son fuill ta laccal ocsygien.  Ta feme ec rannagyn er y chooylley shoh, son dy yannoo sloo jeh mestey yn daa horçh jeh fuill.  Er coontey jeh, foddee rannagyn cummal seose cormid soe ny syrjey, as jannoo ny smoo, na nod ad gyn ee.