A. C. Bhaktivedanta Swami Prabhupada
A. C. Bhaktivedanta Swami Prabhupada (1 September 1896 - 14 November 1977), jiske puura naam Abhaya Caranaravinda Bhaktivedanta Swami Prabhupada rahaa, India ke ek adhyaatmik (spiritual), daarshanik (philosophical) aur dharmik shikchhak (teacher) rahaa, jon ki Hare Krishna mantra aur "Krishna consciousness" ke dunia bhar me failais rahaa. Uke paidais ke naam Abhay Aharan De rahaa, lekin uu aapan naam ke kanuni badal ke Abhay Charanaravinda Bhaktivedanta Swami kar diis, lekin uske jaada kar ke "Bhaktivedanta Swami", "Srila Prabhupada", nai to khaali "Prabhupada" ke naam se jaana jaae hae.[2]
A. C. Bhaktivedanta Swami Prabhupada | |
---|---|
A. C. Bhaktivedanta Swami Prabhupada, 1974 me Germany me | |
Niji jaankari | |
Janam | Abhay Charan De 1 September 1896 |
Maut | 14 November 1977 (aged 81) |
Dharam | Hinduism |
Nationality | Indian |
Mai-baaps |
|
Alma mater | Scottish Churches College, University of Calcutta[1] |
Signature |
1922 me, jab uu khaali 26 saal ke rahaa, tab uske ek Hindu guru batais ki uske chaahi ki uu "Krishna consciousness" ke English me failae. Uu suruu me iske baare me kuchh nai karis, lekin 1965 me jab uu 69 saal ke rahaa, tab uu New York gais aur ek park me "Hare Krishna" japis aur log ke skchha diis. 1966 me kuchh pahila student log ke madat se International society for Krishna Consciousness (ISKCON) ke suruu karis.
Uu ii sikhaat rahaa ki apne ke baare me jaane ke khaatir, log ke ek supreme being se sambandh rakkhe, jiske Sanskrit me Krishna bola jaae hae. Iske kare ke khatir Krishna ke baare me parrhe ke chaahi, mantra jape ke chaahi jisme Krishna ke naam hae, aur aapan jindagi ke Krishna pe devote kare ke chaahi. Prabhupada aapan students se ii bhi maangis ki uu logan gamble nai kare, gos, machhri aur anda nai khaae, coffee, cha aur tamaaku nai piye aur saadi ke baahar duusra jan se sambandh nai rakkhe.
Krishna ke baare me Bhagavad Gita me parrha jaae sake hae aur uu iske ek English ke anuwaad, Bhagava-gita As it is, ke chhaapia.
References
badlo- ↑ Jones 2007, pp. 77-78.
- ↑ Tamal Krishna Goswami 2012, p. 22.