Šmrěčnik
Šmrěčnik Fichtelberg | ||
---|---|---|
wysokosć | 1215 m | |
kraj | Sakska, Němska | |
masiw | Rudne horiny | |
| ||
Šmrěčnik (němsce Fichtelberg) je hora w sakskim Rudnohórskim wokrjesu blisko čěskeje hranicy a z wysokosću wot 1.214,79 metrow najwyši wjeršk zwjazkoweho kraja a druhi najwyši Rudnych horin. Wokolina Šmrěčnika a Oberwiesenthala je najwuznamniši zymskosportowy teren w Sakskej.
Geografija
Šmrěčnik namaka so połdra kilometra sewjernje saksko-čěskeje hranicy w přirodnym parku Rudne hory/Bohotska. Při južnym boku leži městačko Oberwiesenthal, kotrež je z najwyšim městom w cyłej Němskej. Najwyša hora Rudnych horow je susodny Klinovec na čěskej stronje (1.244 m), kotryž je jenož štyri kilometry zdaleny. W mokrych wužłobinach wokoło Šmrěčnika wužórli so wjele rěčkow, wot kotrychž je Sapawa najwuznamniša.
Infrastruktura
Na wjeršku Šmrěčnika steja hórska chata Fichtelberghaus, rozhladna wěža, wjedrarnja a markantny wuměrjenski dypk z lěta 1864. Wisata železnička jědźe wot Oberwiesenthala nimale hač na wjeršk.