The printable version is no longer supported and may have rendering errors. Please update your browser bookmarks and please use the default browser print function instead.
Իսի լե Մուլինո (անգլ.՝ Issy-les-Moulineaux, ֆրանսերեն արտասանութամբ՝ ), համայնք Ֆրանսիայի մայրաքաղաքի՝ Փարիզի արվարձանային տարածքի հարավարևմտյան մասում, Սեն գետի ձախ ափին։ Քաղաքաբնակները ֆրանսերեն իրենց անվանում են Isséens[4]: Բնակավայրը համարվում է Փարիզի մուտքերից մեկը և ընկած է 6,6 կիլոմետր հեռավորության վրա Աստվածամոր տաճարից՝ Նոտր Դամից, որտեղ, ինչպես ընդունված է Ֆրանսիայում, նշվում է զրո կիլոմետրը։ Իսի լե Մուլինոն 2010 թվականիհունվարի 1-ից մաս է դարձել Grand Paris Seine Ouest ագլոմերացիայի, որը 2016 թվականի հունվարից ընդգրկվել է Métropole du Grand Paris-ում։ Բնակավայրը հեռահաղորդակցային և մեդիա ոլորտներում ծավալվող գործարարությամբ հայտնի Val de Seine շրջանի կենտրոնում է և իր տարածքում հյուրընկալել է ֆրանսիական հեռուստատեսային ցանցի խոշորագույն ընկերությունների գլխավոր գրասենյակները։
1815 թվականի հուլիսին բնակավայրում ու նրա շուրջը տեղի է ունեցել ճակատամարտ ֆրանսիական ու պրուսական զորքերի միջև. դա այսպես կոչված «Հարյուր օրերի» վերջին իրադարձություններից մեկն էր՝ Փարիզը յոթնյակի կոալիցիայի զորքերից պաշտպանելու վերջին փորձը[5]։
Հայերը Իսի լե Մուլինոյում
Իսի լե Մուլինոյում 1930 թվականից կա շուրջ հինգհազարանոց հայկական համայնք[6]՝ հայկական երկու եկեղեցիներով, դպրոցով, մարզական ակումբով, Մեծ եղեռնի զոհերի հիշատակը հավերժացնող հուշակոթողով, Rue d'Armenieև Rue d'Erevan փողոցներով[7][8]։ Իսի լե Մուլինոն 1989 թվականի դեկտեմբերից եղբայրացել է Հայաստանի Վաղարշապատ քաղաքի հետ[9]։