Սուրբ Աստվածածին եկեղեցի (Ռուսե)
Անվան այլ կիրառումների համար տե՛ս՝ Սուրբ Աստվածածին եկեղեցի (այլ կիրառումներ)
Սուրբ Աստվածածին եկեղեցի | |
---|---|
Հիմնական տվյալներ | |
Տեսակ | եկեղեցի |
Երկիր | |
Տեղագրություն | Ռուսե |
Դավանանք | Հայ Առաքելական Եկեղեցի |
Թեմ | Բուլղարիայի հայոց թեմ |
Հիմնական ամսաթվերը | 1610 |
Ժառանգության կարգավիճակ | Բուլղարիայի մշակութային ժառագության հուշարձան |
Հիմնադրված | 1610 |
Սուրբ Աստվածածին եկեղեցի (բուլղար․՝ Арменската църква „Света Богородица“), հայ առաքելական եկեղեցի Բուլղարիայի Ռուսե քաղաքում։ Կառուցվել է 1832 թվականին՝ 1610 թվականին կառուցված փայտաշեն, հետագայում այրված եկեղեցու տեղում։ Եկեղեցին ընդգրկված է Բուլղարիայի մշակութային հուշարձանների շարքում։
Պատմություն
[խմբագրել | խմբագրել կոդը]Ռուսեի հայ համայնքի կյանքը կենտրոնացել է Սուրբ Աստվածածին հայ առաքելական եկեղեցու շուրջ, որը Բուլղարիայի ամենահին հայկական եկեղեցին է[1]։ Այն կառուցվել է դեռևս 1610 թվականին[2]։ Եղել է փայտաշեն եկեղեցի։ Եկեղեցու հետնամասում եղել է հայկական գերեզմանոց (պահանվել են հին մակագրություններով գերեզմանաքարեր)։ Հետագայում եկեղեցին տուժել է հրդեհից, և 1832 թվականին վերակառուցվել այժմյան տեսքով։ Ռուսեի Սուրբ Աստվածածին հայկական եկեղեցին գործել է 19-րդ դարի սկզբից։ Եկեղեցին գտնվում է «Հայկական» թաղամասում։ Եկեղեցու բակում կա Հայոց ցեղասպանության զոհերի հուշարձան։ Ապրիլ ամիսներին եկեղեցում տեղի են ունենում Հայոց ցեղասպանության զոհերի հիշատակին նվիրված միջոցառումներ[3]։
Եկեղեցու դիմաց գործել է Սուրբ Մեսրոպ Մաշտոց դպրոցը, որը փակվել է 1944 թվականին[4]։ Համայնքի ամենամեծ նվիրատուներից է Սարգիս Կույումջյանի ընտանիքը, որոնց շնորհիվ գործում է «Երևան» մշակույթի տունը։ Եկեղեցին ընդգրկված է Բուլղարիայի մշակութային հուշարձանների շարքում։
Ծանոթագրություններ
[խմբագրել | խմբագրել կոդը]- ↑ «Սբ Աստվածածին եկեղեցի». ImYerevan.com. Արխիվացված է օրիգինալից 2019 թ․ ապրիլի 28-ին. Վերցված է 2019 թ․ ապրիլի 28-ին.
- ↑ «Церковь Сурб Аствацацин». Cайт производства (Сайт по умолчанию). Վերցված է 2019 թ․ ապրիլի 28-ին.(չաշխատող հղում)
- ↑ «Բուլղարիայում Հայոց ցեղասպանության 102-րդ տարելիցին նվիրված միջոցառումներ են տեղի ունեցել». armenpress.am. Վերցված է 2019 թ․ ապրիլի 28-ին.
- ↑ «Арменска Апостолическа Православна Църква - Сурп Аствадзадзин - Русе». Արխիվացված է օրիգինալից 2019 թ․ ապրիլի 29-ին. Վերցված է 2019 թ․ ապրիլի 28-ին.