Վիքիպեդիա:Նշանակալիություն (մարդիկ)
|
Այս էջը Հայերեն Վիքիպեդիայի կանոնակարգ է։ Այն հիմնականում սահմանում է չափանիշներ, որոնց խմբագրողները պետք է փորձեն հետևել, չնայած միշտ ընդունվում է առողջ բանականությունը և միշտ կարող են լինել բացառություններ։ Այս էջում բոլոր փոփոխությունները պետք է լինեն համաձայնեցված։ Եթե ունեք առաջարկներ սույն կանոնակարգի վերաբերյալ, կարող եք թողնել այն էջի քննարկման էջում։ |
Նշանակալիություն |
---|
Առանձին ուղեցույցների առարկան |
|
Այս էջը մեկ ակնարկում՝
|
Սույն կանոնով սահմանված են անձի համար նշանակալիության պահանջները: Անձինք, որոնց մասին Վիքիպեդիայում ստեղծվում է առանձին հոդված, պետք է լինեն հասարակության մեջ քիչ թե շատ ուշադրության արժանի կամ հայտնի: Սույն կանոնով նաև սահմանված է նշանակալի անձնավորության հետ սերտ կապված մարդկանց նշանակալիության հարցը, այդ թվում ընտանիքի անդամներ, համահեղինակներ և այլն: Սույն կանոնով բացատրվում է ինչպես հասնել համաձայնության, երբ անձանց մասին հոդվածները ներկայացվել են ջնջման, միացման կամ բարելավման:
Հիմնական պահանջ
խմբագրելԱնձինք համարվում են նշանակալի, եթե նրանք նշանակալիորեն լուսաբանված են բազմակի անգամ հրատարակված վստահելի երկրորդական աղբյուրներով, որոնք միանգամայն անկախ են միմյանցից[1][2]:
- Եթե երկրորդական աղբյուրների լուսաբանման խորությունը բավարար չէ նշանակալությունը ցույց տալու համար, կարելի է միավորել բոլոր անկախ աղբյուրների նյութերը նշանակալիությունը հավաստելու համար:
- Առաջնային աղբյուրները կարող են օգտագործվել հոդվածը լուսաբանելու համար և ոչ անձի նշանակալիությունը ապացուցելու համար:
Անձանց համար, որոնք բավարարում են այս հիմնական չափանիշին կարող են լրացուցիչ չափանիշներին չբավարարել:
Լրացուցիչ պահանջ
խմբագրելՑանկացած կենսագրություն
խմբագրել- Անձ, որը ճանաչված կամ հեղինակավոր կազմակերպության կողմից ստացել է մրցանակ կամ մի քանի անգամ եղել է հավակնորդ:
- Անձ, որը պատմության մեջ եղել է ճանաչված իրադարձության մասնակից:
Գիտնականներ
խմբագրելԳիտնականներ, հայտնագործողներ, փիլիսոփաներ և այլ գիտության բնագավառի մարդիկ, որոնց կենսագրությունները լայնորեն լուսաբանված են երկրորդական աղբյուրներում:
Ստեղծագործողներ
խմբագրելԳրողներ, բանաստեղծներ, լրագրողներ, կինոստեղծողներ, լուսանկարիչներ, ճարտարապետներ և այլ ստեղծագործողներ.
- Անձը համարվում է շատ կարևոր գործիչ և լայնորեն մեջբերվում է հասակակիցների և սերունդների կողմից:
- Անձը հայտնի է նորարարությամբ, նոր տեխնոլոգիայի ներդրմամբ կամ իր ոլորտում նորամուծության հեղինակ է:
- Անձը ստեղծել է կամ հիմնական դեր է կատարել ճանաչված աշխատության ստեղծման մեջ:
- Անձի աշխատանքը (կամ աշխատանքները) (ա) դարձել է հանրաճանաչ հուշարձան, (բ) ցուցադրվել է հանրահայտ ցուցահանդեսում, (գ) արժանացել է հայտնի քննադատների ուշադրությանը, (դ) ցուցադրված է հանրահայտ թանգարաններում կամ պատկերասրահներում:
Զոհեր և հանցագործներ
խմբագրելՎիքիպեդիայում չի խրախուսվում հոդվածներ գրել այն անձանց մասին, ովքեր հայտնի են միայն հանցագործության հետ կապ ունենալով: Կարելի է տվյալ անձի վերաբերյալ տեղեկատվություն տեղադրել հանցագործության վերաբերյալ ստեղծված էջում:
Եթե չկա համապատասխան հանցագործության վերաբերյալ հոդված, ապա հանցագործի մասին հոդվածը պետք է բավարարի հետևյալ չափանիշներից որևէ մեկին.
Զոհեր և հանցագործության համար սխալ դատապարտվածներ
- Զոհը կամ սխալ դատապարտված անձը ունեցել է մեծ դերակատարում պատմական ճանաչված իրադարձության մեջ: Պատմական իրադարձությունը պետք է լուսաբանված լինի վստահելի անկախ երկրորդական աղբյուրներով և ապացուցելի լինի տվյալ անձի նշանակալի դերը տվյալ իրադարձության մեջ:
Հանցագործներ
- Հանցագործի զոհը համարվում է ճանաչված միջազգային հեղինակություն, քաղաքական գործիչ կամ նշանակալի անձ:[3]
- Հանցագործության մոտիվը կամ հանցագործությունը եղել է ոչ սովորական, եզակի և վառ լուսաբանված է երկրորդական վստահելի անկախ աղբյուրներով:[4]
- Պետք է ուշադիր լինել ապրող հանցագործության մեջ կասկածվող անձանց մասին հոդվածներ գրելիս, քանի որ կան անմեղության կանխավարկած և պետք չէ հոդվածներում միանշանակ մեղադրել անձանց հանցագործության մեջ:
Շոու բիզնես
խմբագրելԴերասաններ, հնչյունային բեմադրողներ, կատակերգուներ, մոդելներ, հայտնիներ.
- Ունեցել են նշանակալի դերակատարում կինոնկարներում, հեռուստաշոուներում, ներկայացումներում և նմանատիպ միջոցառումներում:
- Ունի երկրպագուների մեծ բանակ:
- Շոու բիզնեսում ունի նշանակալի ներդրում:
- Տես Վիքիպեդիա:Նշանակալիություն (երաժշտություն) ուղեցույցը երաժիշտների, կոմպոզիտորների խմբերի վերաբերյալ:
Քաղաքական գործիչներ
խմբագրել- Քաղաքական գործիչներ և դատավորներ, որոնք զբաղեցնում են կամ զբաղեցրել են բարձր պաշտոններ միջազգային, ազգային, ամենաբարձր մակարդակի վարչատարածքային միավորումների կառավարման համակարգերում: Սա նաև վերաբերվում է այն անձանց, որոնք ընտրվել են կամ նշանակվել են համապատասխան պաշտոնին, սակայն դեռ չեն ստանձնել պարտականությունները: Նշված անձինք նաև պետք է բավարարեն հիմնական պահանջին, այն է՝ լուսաբանված լինեն երկրորդական վստահելի անկախ աղբյուրներով:
- Քաղաքական գործիչներ, որոնք լայնորեն լուսաբանվում են մամուլում:
Սպորտի հետ կապված անձինք
խմբագրելԱնվավեր չափանիշներ
խմբագրել- Անձը չի կարող համարվել նշանակալի միայն այն պատճառով, որ ինչ-որ նշանակալի անձի երեխան է կամ ամուսինը, բացառությամբ, եթե այդ ազգակցական կապի շնորհիվ այդ անձը դարձել է հայտնի:
- Փնտրողական կայքերի վիճակագրական տվյալները չեն դարձնում մարդուն նշանակալի, քանի որ որոնման արդյունքում գտնված կայքերը կարող են չհանդիսանալ անկախ երկրորդային աղբյուրներ:
Ջնջման ներկայացում
խմբագրելԵթե անձի մասին ստեղծված հոդվածը չի բավարարում վերոնշյալ հիմնական չափանիշներին, ապա կարող եք ներկայացնել հոդվածը հետևյալ երեք եղանակներից մեկով.
- Արագ ջնջման, եթե ակնառու է, որ անձը չի կարող լինել նշանակալի, այն հոդվածի հեղինակի ինքնակենսագրությունն է, կամ արագ ջնջման կանոնակարգով հոդվածը ենթակա է ջնջման, ապա հոդվածի վերևի մասում տեղադրեք {{արագ|այստեղ գրեք ջնջման ներկայացնելու Ձեր պատճառաբանությունը}} կաղապարը:
- Եթե հոդվածում չի բացահայտվում անձի նշանակալիությունը կամ այն չի հաստատվում անկախ երկրորդական աղբյուրների առկայությամբ տեղադրեք {{անաղբյուր էջ|այստեղ գրեք, որ անձի նշանակալիությունը պետք է հաստատվի երկրորդական անկախ վստահելի աղբյուրներով}} կաղապարը, կաղապարը դնելուց հետո, եթե հոդվածը յոթ օրվա ընթացքում չի ներառվում համապատասխան աղբյուրներով, ապա այն ենթակա է ջնջման:
- Եթե ունեք կասկածներ անձի նշանակալիությունը հաստատող աղբյուրների անկախության, երկրորդայնության կամ վստահելիության վրա, կարող եք հոդվածը ներկայացնել ջնջման` տեղադրելով {{ջնջել|Ձեր պատճառաբանությունը}} կաղապարը: Բացի այդ Վիքիպեդիա:Ջնջման ենթակա հոդվածներ էջում պետք է բացել քննարկում, որտեղ պետք է մանրամասն նկարագրեք ջնջման ներակայացնելու Ձեր փաստերը:
Հատուկ դեպքեր
խմբագրելԵթե չի բավարարում հիմնական պահանջին, բայց բավարարում է լրացուցիչ պահանջներին
խմբագրելԵթե անձի նշանակալիությունը չի բացահայտվում անկախ երկրորդական աղբյուրներով, սակայն բավարարում է լրացուցիչ պահանջներից որևէ մեկին, ապա.
- Պետք է ներկայացնել հոդվածը միացման:
- Տեղադրեք {{միացնել|այստեղ տեղադրեք այն հոդվածի անվանումը որին ցանկանում եք միացնել}} կաղապարը:
- Եթե այդպիսի հոդված դեռևս չի գրվել, որին կարելի է միացնել, կարող եք այդ հոդվածը գրել ինքնուրույն կամ տեղադրել հոդվածի ստեղծման հրավեր։
Նշումներ
խմբագրել- ↑ Աղբյուրներ, որոնք կարող են օգտագործվել որպես ծանոթագրություններ և չեն նպաստում անձի նշանակալիության բարձրացմանը:
- ↑ Ինքնակնեսագրական և ինքնագովազդային նյութեր պարունակող հոդվածները ենթակա է անմիջապես ջնջման: Կարճ, բառարանային, ոչ անկախ աղբյուրներով ուղեկցված կենսագրական էջերը նույնպես ենթակա են ջնջման
- ↑ Օրինակ` Գավրիլո Պրինցիպ:
- ↑ :Օրինակ` Անդերս Բրեյվիկ: