Ինտիրա Կանտի
Ինտիրա Կանտի (19 Նոյեմբեր 1917[1][2][3][…], Ալլահապատ, Ակրա եւ Ուտհ միացեալ գաւառներ, Բրիտանական Հնդկաստան, Բրիտանական կայսրութիւն[4] - 31 Հոկտեմբեր 1984[1][2][3][…], Նիւ Տելհի, Հնդկաստան), հնդիկ քաղաքական գործիչ, Հնդկաստանի երրորդ վարչապետը, ծառայած է՝ 1966-1977)։
Կեանքը
ԽմբագրելԻնտիրա Կանտիի «քաղաքական գործունէութիւնը» կը սկսի շատ կանուխ, երեք տարեկանին, երբ յաճախ առանձին կը մնար իրենց հսկայ ապարանքին մէջ: Ան իր շուրջ կը հաւաքէր տան ծառաները, երբեմն ալ` իր պուպրիկները եւ աշխուժ ու խանդավառ, հայրենասիրական ճառեր կը խօսէր անոնց:
Ինտիրա Կանտի կը մեծնայ հայրենասիրութիւն եւ անկախութիւն բուրող մթնոլոտի մը մէջ եւ կը սիրէ ու կը «ներշնչուի» այդ մթնոլորտէն: Ազգայնականներու օճախ դարձած իրենց տունը ինքնաբերաբար կը ստիպէ, որ ան հետաքրքրուի քաղաքականութեամբ, ժողովուրդով եւ զանգուածով:
Տասներկու տարեկանին`1929-ին, Կանտի կը հիմնէ մանուկներու կազմակերպութիւն մը՝ «Ման քի Պրիկէյտ» անունով, որուն վեց հազար անդամներուն պարտականութիւնն էր լուր հաղորդել կամաւորներուն եւ ճաշերու պատրաստութեան ու վիրաւորներու խնամքին օգնել:
Ֆերոզ Կանտիի հետ կ'ամուսնանայ 1942-ին: Հազիւ վեց ամիս անցած` քաղաքական խնդիրներով կը ձերբակալուին եւ բանտ կը մնան: Կանտի կը ճաշակէ բանտն ու «լաթիս»-ը (գաւազան): Համբերութեամբ կը տոկայ եւ իր բանտարկութեան տասներեք ամիսներու ընթացքին գրել-կարդալ կը սորվեցնէ անուս բանտարկեալներու[6]:
Անկախութենէն ետք, առանց ուղղակի քաղաքական գործունէութիւն ունենալու, ընկերային կեանքի մէջ մեծ դեր կը խաղայ, մանաւանդ` երեխաներու պաշտպանութեան գործին մէջ: Աւելի ետք կ'ըլլայ անդամ Միացեալ ազգերու գործադիր մարմինին եւ կարեւոր դեր կը խաղայ համաշխարհային գետնի վրայ:
Կանտի Քոնկրես փարթիի նախագահ կ'ընտրուի 1959-ին:
1964-ին` հօր մահէն ետք, կը դառնայ տեղեկատուութեան եւ ձայնասփռումի նախարար[7]:
Կանտի՝ Վարչապետ
Խմբագրել26 Յունուար, 1966-ին Ինտիրա Կանտի կը ստանձնէ վարչապետի պաշտօնը:
Կանտի, 48 տարեկան հասակին` հանգուցեալ վարչապետ Ժաւահարլալ Նեհրուի, Քոնկրեսի կուսակցութեան կողմէ, ձայներու ջախջախիչ մեծամասնութեամբ, կը կոչուի Լալ Պահատուր Շասթրիի դժուար յաջորդութեան:
Ծանօթագրութիւն
Խմբագրել- ↑ 1,0 1,1 1,2 1,3 1,4 Deutsche Nationalbibliothek Record #118689436 // Gemeinsame Normdatei — 2012—2016.
- ↑ 2,0 2,1 2,2 2,3 2,4 Bibliothèque nationale de France data.bnf.fr: open data platform — 2011.
- ↑ 3,0 3,1 3,2 3,3 3,4 SNAC — 2010.
- ↑ 4,0 4,1 4,2 Գերմանիայի ազգային գրադարանի կատալոգ
- ↑ Կանտի կը ճաշակէ բանտն ու «լաթիս»-ը
- ↑ «Indira Gandhi | Biography & Facts | Britannica»։ www.britannica.com (անգլերէն)։ արտագրուած է՝ 2022-01-13