Football de tabula
Football de tabula es un joco de tabula que es laxemente basate in le football.[1]
Football de tabula |
---|
instantia de: game of skill[*], café game[*] |
|
Commons: Table football |
Historia
modificarBen que patentes pro jocos similar existe desde le decade 1890, le joco de football de tabula como nos lo cognosce hodie era primo inventate per Harold Searles Thornton in 1922 e patentate in 1923 (Patente del Regno Unite no. 205.991 application datate de 14 de octobre 1922 e acceptate in 1 de novembre de 1923).[2]
Le idea esseva concipite post Harold habeva essite in un match de football del Tottenham Hotspur (de que ille era un avide fan). Ille voleva crear un joco replicante le football ma que poteva esser jocate in casa. Le inspiration veniva de un cassa de flammiferos: per jacer le flammiferos per le cassa ille habeva formate le base de su joco.
Su oncle (que habitava Portland in le Statos Unite) visitava Harold e retornava con le inspiration al SUA ubi illo esseva patentate in 1927 (Bureau de Patentes del Statos Unite no. 1.615.491). Totevia, ille non videva multo successo con le joco e lassava su patente expirar. Solmente multe decennios postea que le joco obtenerea popularitate in le SUA. [3]
Intertanto in Europa, le prime ligas comenciava surger in le decade 1950, e le Union Europee de Football de Tabula era formate in 1976. Le soldato american Lawrence Patterson reintroduceva le joco in le SUA post jocar lo durante que stava in Germania in le decade 1960. Ille importava le prime tabula, facite in Bavaria, al SUA in 1962. Durante que lo faceva, ille registrava le termino "foosball" in SUA e Canada e dava a su tabula le nomine de "Foosball Match." [4] In 1970, Hayes and Furr creava le prime tabula de football facite in SUA, e multo tosto le joco deveniva un phenomeno national que durava usque le video jocos deveniva popular in le decade 1980.
In 2002, le International Table Soccer Federation (ITSF) esseva establite in Francia con le mission de promover le sport de Football de Tabula organisante un corpore sportive, regulante competitiones international, establiente le joco con le Association General del Federationes Sportive International (GAIF, acronymo del nomine anglese).
Le sport
modificarAl comenciar del joco, le bolla es servite trans un cavo al latere del tabula, o simplemente placite per le mano al pede del figura in le centro del tabula. Le latere que le bolla essera servite initialmente es decidite ballottante un moneta. Le jocatores usa le figuras montate in barras rotatori pro calcar le bolla intra un goal pro punctuar. Il ha jocatores experte que succedeva jectar le bolla a velocitates de usque 56 km/h in competitiones.[5]
Multe regulas considera illegal le "tiros a plus de 360 grados" (usar le palma del mano a facer le barra entrar in rotation, in vice de tornar le carpos a calcar le bolla con un figura montate in le barra). [6] Totevia il ha multe regulas variante – in alcun variantes, le goal-keeper pote esser rotate, in alteres post que le goal es attingite de un position controlate, rotationes del barra post colpar le bolla es permittite. Generalmente tiros curte de un rotation complete de 360 grados ante (o post) colpar le bolla es legal. Desde de establimento del ITSF, le regulas ha devenite plus standardisate in le major competitiones international. Totevia, desde januario de 2012, le Campionatos Mundial e le Cuppa Mundial permitte duo rotationes complete de 360 grados.[6]
Le vincitor es determinate quando un del equipas punctua un quantitate predeterminate de goals, typicamente cinque, dece, o dece-un in competition. Quando jocante le competitiones Bonzini le numero de goals requirite es septe. On debe ganiar per un differentia de duo goals. Le tabulas de football pote variar in grandor, ma un tabula typic es circa 120 cm longe e 61 cm large. Le tabula sovente contine 8 lineas de marionettes jocator, que es figuras plastic, metallic, de ligno o a vices de fibra de carbon montate sur barras metallic horizontal. Cata equipa de 1 o 2 jocatores human controla 4 lineas de marionettes jocator.
Le arrangiamento sequente es commun al tabulas de competition del ITSF, [7] ben que il ha variationes substantial, particularmente in Espania e America del Sud – ubi le modello de tabula Futbolín (o variantes) es commun e usa un configuration differente. Reguardante le tabula del sinistra al dextera, le configuration es sovente le sequente:
Linea 1 | Goal-keeper | 1 marionette (a vices 2 o 3) |
Linea 2 | Defensores | 2 marionettes (a vices 3) |
Linea 3 | Attaccantes del opponente | 3 marionettes (a vices 2) |
Linea 4 | Medie-campistas | 5 marionettes (a vices 4 o 6) |
Linea 5 | Medie-campistas del opponente | 5 marionettes (a vices 4 o 6) |
Linea 6 | Attaccantes | 3 marionettes (a vices 2) |
Linea 7 | Defensores del opponente | 2 marionettes (a vices 3) |
Linea 8 | Goal-keeper del opponente | 1 marionette (a vices 2 o 3) |
Le football de tabula pote esser jocate per duo individuos (singules) – e alsi per quatro personas (duples), un que il ha equipas de duo personas a cata latere. In iste scenario, un jocator sole controlar le duo lineas defensive e le altere le lineas del medie-campistas e del attaccantes. In matches informal, il es alsi commun trovar tres o quatro controlatores de cata latere.
Competition
modificarFootball de tabula es sovente jocate per amusamento in pubs, bars, locales de labor, scholas e clubs con poc regulas. Le football de tabula es alsi jocate in competitiones official organisate per plure organisationes national, con regulas e regulationes altemente evolvite. Ben que le competitiones organisate occurre desde le decades 1940 e 1950 in Europa, le tours professional e le eventos pecuniose comenciava quando le patre del football de tabula professional moderne, Lee Peppard de Seattle, annunciava un "Un Tour de Un Quarte de Million de Dollares" in 1976. Plure organisationes e sponsores ha continuate promovente eventos professional mundial pecuniose. In 1976 Bobby Brown del Green Felt Billiards finiva le saison con 1305 punctos, le major jammais registrate in un saison.
Le ITSF ora regula eventos international includente le annual Campionatos Mundial e le Cuppa Mundial. Le Cuppa Mundial era originalmente intendite a coincider con le Cuppa Mundial FIFA, ma desde januario de 2009 illo occurre annualmente. In le Cuppa Mundial e le Campionatos Mundial de ITSF de 2013, quasi 500 jocatores de 30 paises congregava in Nantes, Francia a competer.
Le Tour Mundial del ITSF ha alsi recentemente expandite a includer le paises asiatic. China, Taiwan e Malaysia hospitava torneos sanctionate per le ITSF in 2013.[8] In 2016, le Philippinas hospitava The Manila Bay Open.
Tabulas
modificarUn vaste quantitate de differente sortas de tabulas existe. Le marcas de tabulas usate al Campionatos Mundial de ITSF es Bonzini, Roberto Sport, Garlando, Tornado, and Leonhart.[9]. Plure companias ha create "versiones luxuose" del tabulas de football. Il ha un tabula de 7 metros create per le artista Maurizio Cattelan pro un obra appellate "Stadium".
Le tabulas sole haber 11 marionettes jocator per latere. Differentias in le typos de tabula ha grande influentia in le stylos de joco. Le majoritate del tabulas ha un goal-keeper cuje movimentos es restricte al area del goal. Sur alcun de iste tabulas le goal-keeper deveni incapabile de attinger le bolla un vice que illo es obstruite in le angulo del tabula; alteres ha angulos elevate a retornar le bolla al joco. Un altere major differentia inter le typos de tabula es trovate in le bollas, que pote esser facite de ligno (corco in le tabulas traditional francese), varie formas de plastico o mesmo rarmente marmore e metal, variante significantemente le velocitate del tiros, tamben le spatio inter le homine e le bolla e inter le bolla e le superficie de joco.[10]
Jocatores robotic
modificarLe robot de football de tabula Foosbot jam esseva vincite per humanos plure vices, ma illo ha essite testate contra jocatores experte.[11][12] Ancora altere robot de football de tabula es sur developpamento per duo studentes del Universitate Technic de Danmark. The robot usa un camera montate supra un tabula commun.[13] Altere robot he essite developpate per duo studentes del EPFL in Switza.[14]
In le cultura popular
modificarLe personages Monica Geller, Joey Tribbiani e Chandler Bing del spectaculo de TV Friends (1994–2004, SUA) sovente joca football de tabula. Le football de tabula esseva in un parte prominente del episodio "Foosball and Nocturnal Vigilantism" in Community, un serie de TV popular.
Le football de tabula ha alsi essite le subjecto de films tal como Longshot[15] (1981), and Underdogs (2013).
Referentias
modificar- ↑ BFA – Football de tabula. Britfoos.com. Recuperate le 27 September 2010.
- ↑ 1923 Patent abstract. V3.espacenet.com. Recuperate le 27 September 2010.
- ↑ http://www.smithsonianmag.com/history/the-murky-history-of-foosball-314668/?no-ist
- ↑ http://www.foosballrevolution.com/history/
- ↑ Welcome to the official ciCMS: Foosball League Website. Archivo del original create le 2018-10-01. Recuperate le 2017-04-14.
- ↑ 6,0 6,1 ITSF. Table-soccer.org (15 January 2007). Recuperate le 27 September 2010.
- ↑ table-soccer.org. table-soccer.org. Recuperate le 27 September 2010.
- ↑ Patent abstract. www.table-soccer.org. Recuperate le 25 January 2014.
- ↑ Associatos official de tabulas- International Table Soccer Federation. Table-soccer.org. Recuperate le 7 August 2015.
- ↑ Foosball tables. Bestalyze. Archivo del original create le 26 October 2017. Recuperate le 23 August 2016.
- ↑ Top Bots excel at wide variety of tasks. University of Akron (2012-04-25). Recuperate le 2013-07-01.
- ↑ TeamFoosbot's channel. YouTube. Recuperate le 2013-07-01.
- ↑ Tabula de football automatisate pagina initial del projecto
- ↑ [1] Archived 2016-09-03 at the Wayback Machine pagina initial del projecto
- ↑ Longshot (1981, US)