Taufiq Ismail: Béda antara owahan

Taufiq Ismail ( Bukittinggi, 25 Juni 1935) punika sastrawan Indonesia. tuwuh diwasa ing kitha Pekalongan, wonten ing kulawarga guru lan wartawan ingkang remen maos. Piyambakipun gadhah gegadhangan dados sastrawan wiwit taksih sinau wonten ing bangku SMA. Kanthi pilihanipun piyambak, Taufiq dados dokter hewan lan ahli peternakan amargi gadhah kekarepan anggadhahi bisnis peternakan supados saged nggayuh cita-cita kesusastraanipun. Piyambakipun tamat saking FKHP-UI Bogor ing taun 1963 nanging wusananipun gagal anggadhahi usaha ternak wonten ing satunggiling pulau ing Selat Malaka, ingkang wiwit rumiyin sampun dipun gadhang-gadhang.

Kagiatan

Salami kuliah aktif dados Ketua Senat Mahasiswa FKHP-UI (1960-1961) lan Wakil Ketuaa Dewan Mahasiswa UI (1961-1962). Ing Bogor naté dados guru ing SKP Pamekar lan SMA Regina Pacis, ugi mucal wonten ing IPB. Amargi ndhèrèk tapak asma Manifesto Kebudayaan, piyambakipun gagal nglajengaken studi manajemen peternakan ing Florida (1964) lan dipun pecat saking jabatan dosen ing Institut Pertanian Bogor. Taufiq nyerat wonten ing sawetawis media, dados wartawan, salah setunggalipun pendiri Horison (1966), ndhèrèk ngadegaken DKJ lan dados pimpinan, Pj. Direktur TIM, Rektor LPKJ lan Manajer Hubungan Luar Unilever. Panampi beasiswa AFS International Scholarship, wiwit 1958 aktif wonten ing AFS Indonesia, naté dados Ketua Yayasan Bina Antar Budaya, penyelenggara pertukaran pelajar antarbangsa ingkang salami 41 taun (sejak 1957) sampun ngintun 1700 siswa dhumateng 15 nagari lan nampi 1600 siswa manca nagari dhateng Indonesia. Taufiq kapilih dados anggota Board of Trustees AFSIS ing New York, 1974-1976.

Karya

Taufiq nyerat buku kumpulan puisi, sepertos Malu (Aku) Jadi Orang Indonesia, Tirani dan Benteng, Tirani, Benteng, Buku Tamu Musim Perjuangan, Sajak Ladang Jagung, Kenalkan, Saya Hewan, Puisi-puisi Langit, Prahara Budaya:Kilas Balik Ofensif Lekra/PKI dkk, Ketika Kata Ketika Warna, Seulawah-Antologi Sastra Aceh, lan sanès-sanèsipu.

Kathah puisi Taufiq ingkang dipun nyanyèkaken déning Himpunan Musik Bimbo, pimpinan Samsudin Hardjakusumah, utawi sakwangsulipun Taufiq nyerat lirik kanggé Bimbo ing salebeting kerja sama. Taufiq ugi nyerat lirik kagem Chrisye, Yan Antono (dipun nyanyèkaken déning Ahmad Albar) lan Ucok Harahap. Miturut piyambakipun kerja sama kados ngaten punika peryogi supados jangkauan publik puisi langkung wiyar.

Taufiq asring maos puisi ing ngjengipun publik umum. Ing manca nagari, piyambakipun sampun maos puisi wonten ing manéka warni festival lan acara sastra ing 24 kitha Asia, Australia, Amerika, Eropa, lan Afrika wiwit taun 1970. Tumrap panjenenganipun, , puisi nembé pikantuk ragi ingkang jangkep menawi sampun dipun serat lan dipun waos ing sangajengipun publik. Wulan April 1993 Taufiq maos puisi perkawis Syekh Yusuf lan Tuan Guru, para pejuang ingkang dipun bucal déning VOC dhateng Afrika Selatan tigang abad sakdèrèngipun, ing tigang panggènan ing Cape Town (1993), nalika apartheid nembé kabongkar. Wonten ing wulan Agustus 1994 maos puisi perkawis Laksamana Cheng Ho ing masjid kampung kelairan penjelajah samudra legendaris punika ing Yunan, RRT, ingkang dipun wosaken ugi tarjemah Mandarinipun déning Chan Maw Yoh.

Bosen bab kecenderungan puisi Indonesia ingkang kalangkung serius, wiwitan taun 1970-an piyambakipun nggarap humor salebeting puisi. Sentuhan humor karaos utaminipun wonten ing puisi berkabar utawi narasi. Antologi puisinipun ingkang sesirah Rendez-Vous dipun terbitaken ing Rusia tarjemahan Victor Pogadaev lan ilustrasi déning Aris Aziz saking Malaysia (Rendez-Vous. Puisi Pilihan Taufiq Ismail. Moskow: Humanitary, 2004.)

Penghargaan

• Anugerah Seni saking Pemerintah (1970), Cultural Visit Award Pemerintah Australia (1977),
• South East Asia Write Award saking Karajaan Thailand (1994),
• Penulisan Karya Sastra dari Pusat Bahasa (1994).
• Kaping kalih dados penyair tamu wonten ing Universitas Iowa, AS (1971-1972 lan 1991-1992),
• Pengarang tamu ing Dewan Bahasa dan Pustaka, Kuala Lumpur (1993).
• S,E,A, Write Award ( 1994)

Sumber

• Ismail,Taufiq. 2004. Malu (Aku) Jadi Orang Indonesia. Jakarta:Yayasan Indonesia.

Ugi Pirsani

• Wiki Id: Taufiq Ismail

Pranala Jawi

• Wiki En: S.E.A. Write Award