Kelly Chen
Kelly Chen | |
---|---|
Kelly Chen | |
Pratélan latar wuri | |
Jeneng lair | Vivian Chen Wai Man (陳慧汶) |
Paraban | 陳慧琳 ; 陈慧琳 ; Chén Hùilín ; Can4 Wai6 Lam4 |
Saka | |
Génre | Cantopop |
Pakaryan | Penyanyi, Komponis, Aktris |
Piranti | Vokal |
Mangsa akarya | 1995-Sapunika |
Sana jaringan | [1] |
Kelly Chen (basa Tionghoa: 陳慧琳) (miyos minangka Vivian Chen Wai Man / 陳慧汶 nalika tanggal 13 September 1973 wonten ing Hong Kong) inggih punika salah satunggaling penyanyi lan aktris ingkang kawéntar wonten ing Hong Kong. Piyambakipun ugi jejuluk Kelly Chan, Chen Wai-Lam, Chen Hui Lin lan Chen Wai Lun. Wonten ing Konser love fighters, Kelly chen, mbiwarakaken badhé palakrama kaliyan (Alex Lau) ingkang sampun langkung saking 15 taun anggènipun pacaran. Nalika tanggal 2 Oktober, Kelly chen kanthi resmi sampun palakrama, resèpsi dipunadani wonten ing HongKong Intercontinental Hotèl.[2]
Karièr
besutBiografi
besutChen inggih punika marga saking tiyang sepuh. Wai inggih punika nama ingkang dipunturunaken tiyang sepuhipun kanggé Kelly lan mbakyunipun. Lum dipunparingi déning satunggaling peramal amargi nama aslinipun (Chen Wai 'Man') kirang unsur kayu. Éwadéné Kelly sanès tiyang ingkang pitados kaliyan baba mistik, Kelly ingkang gadhah inggil 173 cm punika, tetep migunakakenipun amargi boten kepéngin damel raos tiyang sepuh lan tiyang sakitaripun kuciwa.
Miyos minangka putra angka 2 saking 3 sadhèrèk, putri angka 2, Kelly nglampahi sekolah dhasar wonten ing Hong Kong. Sekolah Menengah kalajengaken dhateng Akadami Kanada Kobe wonten ing Jepang. Sekolah dhateng Jepang inggih punika kapénginanipun ingkang rama supados Kelly nguwaosi basa Jepang, éwadéné bab punika damel piyambakipun kuciwa nalika samanten.
Sadanguning wonten ing Jepang, Kelly ngalami masa-masa awrat adhaptasi ing pundi piyambakipun mapan wonten ing hostel putri. Guru Kesenian-nipun ingkang kapisanan manggihaken bakat Kelly wonten ing babagan seni. Amargi usaha saking Guru Kesenian mau, Kelly pikantuk Penghargaan Seni ingkang namung kaparingaken dhateng 1 murid saben taunipun. Guru punika ingkang nyengkuyung Kelly kanggé nglajengaken kuliah nalika umur 17 taun dhateng Amérikah Sarékat.
Sekolah wonten ing Amérikah Sarékat inggih punika punapa ingkang dipunimpèn-impènaken piyambakipun. Kelly remen kutha New York sasampuning mirsani "An Autumn's Tale", sawijining filem ingkang nggambaraken Amérika kanthi ngremenaken. Wonten raos ajrih nalika nyuwun pasarujukan tiyang sepuhipun saperlu nglajengaken dhateng sekolah kesenian. Nanging raos ajrih punika ical sasampuning tiyang sepuhipun sarujuk. Amérika béda kaliyan Jepang, ing pundi Kelly boten ngraosaken dipundiskriminasi. Sadanguning kuliah wonten ing Parsons School of Design ing kutha New York nyinaoni bab Désain Grafis, Kelly ingkang remen maos wiwit alit remen novèl "Love Story In The City". Nanging bab punika éwah amargi Kelly kepéngin damel piyambakiun remen. Amargi punika Kelly wiwit remen kaliyan komik.
Fan base
besutWonten ing sawijining survei ingkang dipunadani nalika taun 2002 déning City University of Hong Kong, Kelly kagunan nama "The Idol Paling Populer" ing antawising kelompok-kelompok nom-noman [3].
Filmografi
besut- Whatever Will Be, Will Be (仙樂飄飄, 1995)
- Lost and Found (天涯海角, 1996)
- Anna Magdalena (安娜瑪德蓮娜, 1998)
- Hot War (幻影特攻, 1998)
- Metade Fumaca (半支煙, 1999)-Cameo
- Tokyo Raiders (東京攻略, 2000)
- And I Hate You So (小親親, 2000)
- Lavender (薰衣草, 2000)
- Calmi Couri Appassionati (冷靜與熱情之間, 2001)
- Merry Go Round (初戀拿喳麵, 2001)-Cameo
- Infernal Affairs (無間道, 2002)
- Infernal Affairs III (無間道 III, 2003)
- Breaking News (大事件, 2004)
- Super Model (我要做Model, 2004)-Cameo
- McDull, The Alumni (春田花花同學會, 2006)-OL
- It's a Wonderful Life (心想事成, 2007)
- An Empress And The Warriors (江山美人, 2008)
- 72 Tenants of Prosperity (72家租客, 2010)
Konser
besutCathetan suku
besut- ↑ http://www.kellychen.hk/ Archived 2007-01-24 at the Wayback Machine. Official website
- ↑ http://kellychen.hk Archived 2018-07-14 at the Wayback Machine. Situs resmi
- ↑ "kellychen stareastnet". Diarsip saka sing asli ing 2006-09-02. Dibukak ing 2013-03-09.
Pranala njaba
besut- indonesia kelly's site Archived 2011-07-21 at the Wayback Machine.
- Kelly Concerto Club Archived 2008-01-05 at the Wayback Machine.