Alternativa pro Germania
Alternativa pro Germania seu Optio Altera pro Germania[1] (Theodisce: Alternative für Deutschland/AfD) factio Germanica die 6 Februarii 2013 condita est.
Consilia
AfD inter crisim Euronis condita est et praecipue dicionem et sumptum Unionis Europaeae reprehendit. Imprimis postulat, ne vectigalibus Germanicis aliae civitates Europae - ut Lusitania, Hispania et Graecia adiuventur. Praeterea censet, ne plures advenae e terris Africae et Asiae in Germaniam admittantur.
Praesides
Initio tres homines aequo iure factionem rexerunt, nunc sunt duo. A mense Decembri 2015 factio solum praesidem habitura erat[2]. Sed id tum denique et pro tempore tantum evenit, cum Frauke Petry mense Septembris 2017 factionem reliquit. Hannoverae in conventu factionis iterum duo praesides AfD electi sunt[3].
- Conradus Adam, Frauke Petry atque Bernhardus Lucke 14 Aprilis 2013 - 4 Iulii 2015
- Frauke Petry et Georgius Meuthen 4 Iulii 2015 - 25 Septembris 2017
- Georgius Meuthen 25 Septembris 2017 - 2 Decembris 2017
- Georgius Meuthen et Alexander Gauland 2 Decembris 2017 - 2019
- Tino Chrupalla ab anno 2019
- Alicia Weidel ab anno 2022
Historia
Factio, quae praecipue propter crisim aeris alieni in Unione Europaea condita est, anno 2014 legatos in Parlamentum Europaeum atque senatus terrae Brandenburgi, Saxoniae, Hamburgi atque Thuringiae misit. Anno 2015 factio de consiliis politicis iurgabat: Cum Lucke et amici se liberalem esse dicerent, alii Frauke Petry duce contra Islamismum et immigrationem avenarum certant. Lucke cum multis sodalibus die 10 Iulii 2015 factionem reliquit[4] et de nova factione nomine "Neustart 2015" cogitavit[5]. Die 19 Iulii 2015 Lucke praeses novae factionis AlFAe (Theod. Allianz für Fortschritt und Aufbruch) electus est, ad quam multi sodales AfD transierunt[6]. Die 24 Septembris 2017 93 legati eius factionis primo in Dietam Foederalem Germaniae electi sunt[7].
Nexus externi
Vicimedia Communia plura habent quae ad Alternativam pro Germania spectant. |