Cabardino-Balcaria
Civitas: Russia
Locus: 43°35′0″N 43°24′0″E
Situs interretialis
Fines
Territoria finitima: Ossetia Septentrionalis, Territorium Stauropolitanum, Karaczaevo-Circassia, Mingrelia et Suania Superior, Radscha-Letschkumia et Suania Inferior
Forma
Gestio
Consilium: Parliament of the Kabardino-Balkar Republic
Vita
Sermo publicus: Russica, lingua Cabardino-Circassica, lingua Karaczaevo-Balcarica
Zona horaria: Tempus Mosquanum, Europe/Moscow
Commemoratio
Sigla
Cabardino-Balcaria[1] vel Kabardino-Balkaria[2] (Russice Кабардино-Балкария), seu Res Publica Cabardino-Balcarica (Russice Кабардино-Балкарская Республика, Cabardino-Circassice Къэбэрдей-Балъкъэр Республикэ, Karaczaevo-Balcarice Къабарты-Малкъар Республика) est subiectum Foederationis Russicae, ab anno 2010 in eius Districtum Foederalem Septentrio-Caucasicum inclusum. Formata est anno 1922 ut Regio Autonoma Cabardino-Balcarica, quae anno 1936 in rem publicam autonomam transformata est.
Cabardino-Balcaria in Caucaso Septentrionali sita est, cum territorio Stauropolitano in septentrione, Ossetia Septentrionali in oriente et meridie-oriente, Georgia in meridie et Karaczaevo-Circassia in occidente contermina. Aream 12 470 chm² habet. In Cabardino-Balcaria circa 862 milia incolarum (anno 2016) habitant, ut plurimum ad gentes Cabardinorum[3] (circa 57%), Russorum (circa 23%) et Balcarorum[4] (circa 13 %). Publicae rei publicae linguae sunt lingua Russica, lingua Cabardinica et lingua Balcarica. Urbs capitalis est urbs Naltschik. Terekius flumen est rei publicae maximum. Elbrus mons et Dychtau et murus Bezengiensis in re publica siti sunt, nam iuga Caucasi Maioris Principale, Scopulosum, Silvosum, Pascuosum et Laterale ibi se attollunt.
Notae
[recensere | fontem recensere]- ↑ De nominibus Cabardae et Balcariae regionum historicarum (Cabarda: Christophorus Rommel(de), Caucasiarum regionum et gentium Straboniana descriptio, Lipsiae 1804, p. 1; Fridericus Marschall a Bieberstein, Flora Taurico-Caucasica..., vol. I, Charkoviae 1808, p. IV; Eduardus Eichwald, Fauna Caspio-Caucasica, Petropoli 1841, p.14; Cabardinensis terra: Nuntiaturae Russiae..., Romae 1952, p. 127; Balcaria: I. Akinfiev, in: Mémoires de la section Caucasienne de la Société Impériale Russe de géographie, vol. XV, Tiphli, 1893, p. 21). Necnon de populorum nominibus, quae infra vide.
- ↑ Norae Zabinkovae et Moysis Kirpicznikov Nomina physico-geographica principalia URSS s.v. Кабардино-Балкария.
- ↑ Adam Iocher(pl) Pelasgia sive de sermone quondam communi..., Petropoli 1851, p. 21.
- ↑ Georgii Cuvier excursus ad editionem Plinii Naturalis historiae vol. III, Parisiis, 1827, p. 300.
Nexus interni
Nexus externi
[recensere | fontem recensere]Situs geographici et historici: Locus: 43°35′0″N 43°24′0″E • OpenStreetMap • GeoNames • Store norske Lexikon • Большая российская энциклопедия |
Vicimedia Communia plura habent quae ad Cabardino-Balcariam spectant. |
Haec stipula ad geographiam spectat. Amplifica, si potes! |