Lomsa
Civitas: Polonia
Locus: 53°11′0″N 22°5′0″E
Situs: Podlaskie Voivodeship
Rectio
Populus
Lomsa (Polonice: Łomża) est urbs in Polonia, in regione Mazovia.
Historia
[recensere | fontem recensere]Principium Lomsae circa annum 900 in Colle Sancti Laurentii locatur. Post centum annos sanctus Bruno parochiam ibi constituit; nonnulli quoque eum ibi iacere sentiunt. In fine saeculi quarti decimi et iterum die 15 Iunii 1418 oppidum locatum est.
Tum, ad semissem XVII saeculi, auream aetatem habebat ac tertia magnitudine urbs Mazoviae facta est. Lomsa erat caput terrae et gloriosum collegium Societatis Iesu constitutum est, sed tempore eluvionis Suecicae truciter destructa est.
Lomsa usque ad finem Rei Publicae Duarum Nationum in limitibus eius erat, sed denique, anno 1795, pars Prussiae facta est. Anno 1806 in Ducatu Varsoviensi, ac denique anno 1815 in Regno Poloniae sita est. Tunc caput guberniae erat. Hoc tempore iterum augebatur.
Postquam anno 1918 Polonia restituta est, Lomsa statim pars eius facta est. Tunc, anno 1925, caput dioecesis nominata est. Tempore belli orbis terrarum secundi permulti incolae contra socialistas nationales pugnabant. Ab anno 1975 ad finem anni 1998, Lomsa caput Palatinatus erat.
Nostra aetas
[recensere | fontem recensere]Nunc Lomsa supra sexaginta milia incolarum ac triginta tria chiliometra quadrata habet. Maxima urbs inter Varsoviam et Rivum Album est. In Palatinatu Podlachiano iacet et caput castellaniae nec non castellania in se ipsa est. Ad flumen Narvia sita est.
Monumenta
[recensere | fontem recensere]- Gothica cathedralis cum egregiis cameris
- Coemeterium cathedralis, unum antiquissimorum in Polonia, quod variae ecclesiae utuntur
- Ecclesia baroca monachorum Cappucinorum
- Neoclassica curia
- Domus baroci ad Forum Vetus cum arcaturis
- Ecclesia assumptionis beatae Mariae Virginis genere Byzantico, antea templum orthodoxorum
- Diribitorium epistularum
- Ecclesia sororum benedictinarum
- Neobaroca aedis iudicii
Cives clarissimi
[recensere | fontem recensere]- Andreas Bobola, martyrus et praedicator saeculi XVII
- Adamus Chętnik, ethographus nec non agens socialis
- Franciscus Xaverius Dmochowski, politicus ac poeta illuminismi
- Romanus Dmowski, politicus princeps Nationalium Democratarum
- Stanislaus Konwa, miles et heros Curpiarum
- Hieronymus Radziejowski, politicus atque traditor Poloniae
- Casimirus Sikorski, philosophus nec non mathematicus barocus
- Adalbertus Szweykowski, primus rector Universitatis Varsoviensis
- Adeodatus Winiarski, doctus in legibis et iudex tribunalis Hagae
- Stephanus Wyszyński, cardinalis et dux spiritualis Polonorum tempore communismi
- Ignatius Zaborowski, unus creatorum geodesiae, saeculi duodevicensimi