[go: nahoru, domu]
Jump to content

Mauritius Macri

E Vicipaedia
(Redirectum de Macri)
Wikidata Mauritius Macri
Res apud Vicidata repertae:
Mauritius Macri: imago
Mauritius Macri: imago
Mauritius Macri: subscriptio
Mauritius Macri: subscriptio
Nativitas: 8 Februarii 1959; Tandil
Patria: Argentina, Italia

Familia

Genitores: Francisco Macri;
Coniunx: Juliana Awada
Proles: Agustina Macri

Mauritius Macri (natus urbe Tandil Argentinae die 8 Februarii 1959) est machinator, mercator, officinarum magister, et politicus Argentinus factionis conservativae quae Propuesta Republicana ('Propositum Republicanum') appellatur. Ut candidatus foederis optimatium Cambiemos ('Mutemus') die 22 novembris 2015 in comitiis nationalibus praeses rei publicae Argentinae creatus est.

Origo

[recensere | fontem recensere]

Filius natu primus Aliciae Blanca Villega et Francisci Macri locupletissimi conductoris ex Italia oriundi, Mauritius Macri etiamsi machinatoris gradum ab Universitate Catholica Argentina adeptus est, artem tamen numquam exercuit. Officium autem primum consultoris, deinde negotiorum curatoris in societatibus industrialibus patris sui (Grupo Macri(es)) gessit. Anno 1995 praeses societatis pedilusoriae Boca Juniors creatus est. Opes autonomiamque satis assecutus, tum etiam aliquod famae sibi paravit[1].

Rei publicae operam dare incepit anno 2003, quando factionem dexterarum partium Compromiso para el Cambio ('Compromissum pro Mutatione') Bonis Auris in urbe capitali rei publicae condidit atque etiamsi comitiis municipalibus frustra tum interfuit, post biennium foedus quod PRO nominatum inter factiones conservativas fecit atque munus legislatoris assecutus est. Eiusdem novi dexterarum partium foederis candidatum se professus, rei municipalis anno 2007 potitus est magistratumque octo annos sibi servavit.

Regimen in urbe

[recensere | fontem recensere]
Georgius Bergoglio, hodie papa Franciscus, eo tempore archiepiscopus Bonaëropolitanus et Mauritius Macri (ad dexteram partem) eo tempore praefectus, die 14 Aprilis 2010 in ecclesia cathedrali picti.

Procuratio quam in urbe gessit a sectatoribus atque ab adversariis diverse aestimatur: etsi autem Bonaëropolis propter conglobationem civium locupletorum excellit opibus inter omnes districtos, patet tamen urbem aes alienum grande conflando[2], parum iura civium augendo aut egentium vitae condicionibus in melius notabiliter mutandis eminuisse[3].

Exsecutio operarum publico commodo destinatarum (e. g. viae birotis viaeque laophoriis urbanis aptae atque cura arearum), quamquam aliquibus suspecta fraudis[4] [5] [6], certe urbem amoeniorem reddiderunt.

Etiamsi nationalis gubernatio sub Nestore et Christina Kirchner praesidibus impensas boni communis causa auxerat (e. g. ex 3.6 usque ad 6.3 centesimas partes GDP pro educatione destinatas[7]), in urbe Bonaëropolitana procuratio Mauritii Macri non solum impensas publicas non amplificavit verum etiam pronam se ostendit ad privatas et educationis et valetudinis administrationes favendas[8] [9] [10], cum in octo annorum spatio temporis magistratus perpaucas scholas, nullum valetudinarium aedificaverit[11] [12]. Praeterea cum numeros indicatores infantium mortuorum ab anno 2003 usque ad 2015 in tota civitate minuerunt, tum autem in urbe capitali nec mutaverunt nonnullisque vicis et aucti sunt[13] [14].

Satis diversa fuit publicae securitatis cura, cum novum Ministerium Vigilum Metropolitanum anno 2008 institutum sit et non solum impensae verum etiam numerusque vigilum annualem auctum ostenderint[15] [16]. Attamen magna cum offensione omnium viderunt cives quo modo adoperavit Macri corpus vigilum ad protestationes praecipue operariae plebis reprimendas et suffocandas. Quemadmodum magna cum violentia oppressa est anno 2010 manifestatio 3000 familiarum sine tecto[17] [18] et etiam tres post annos protestatio in valetudinario psychiatrico ubi et medicos et nosocomos et aegrotos et diurnalistas acriter repressi sunt[19][20].

In scaena politica Argentina burgimagister Macri magis magisque egit partes adversarii contra gubernationem Rei publicae quae in manibus praesidis Christinae Kirchner erat[21]. Etiamsi primum auctoritate ac sollertia eguerit, paulatim tamen modum invenit quo ceteros adversarios procurationis civitatis in foedere circa se conglutinare posset. Se ex fastidio quo classis superior mediaque afficiebatur fructum capere oportebat, ad auctoritatem Kirchner cum auxilio magnorum instrumentorum divulgationis corrodendam[22].

Aexistimari ergo potest Macri redire voluisse ad consilia eiusdem effreni capitalismi quae nono iam decennio vicesimi seculi Argentinae populum minutum in indigentiam atque magnam partem ceterum ordinum in inopiam merserat [23] [24]. Ipse Franciscus papa, qui summum discrimen rerum publicarum in Argentina passus est, paupertatem indicavit esse exitum rerum quotiescumque “res politica in servitutem redigitur rei nummariae” (Litterae encyclicae Laudato si', Caput primum §54).

Contentio honorum et initium regiminis in civitate

[recensere | fontem recensere]

Anno 2015, cum comitia nationalia approquinquavissent, foedus Cambiemos inter factiones conservativas factum et die 10 Iunii publice nuntiatum in contentionem honorum cum regimine Kirchner venit. In comitiis quae “primaria” nominantur cuiusque factionis candidati die 9 Augusti creati sunt: Daniel Scioli provinciae Bonaëropolitanae gubernator (eiusdem factionis Frente para la Victoria(es) qua Kirchner praesides creati sunt) cum 38.67% suffragiorum, Mauritius Macri (foederis Cambiemos) cum 30.12%, Sergius Massa(es) (factionis Unión para una Nueva Alternativa) cum 20.57% suffragiorum, et alii[25].

Cum in comitiis generalibus die 27 Octobris factis nullus candidatus numerum suffragiorum ad vicendum sufficientem adsecutus esset[26], necesse fuit populum iterum in comitium vocari. Comitiis factis die 22 Novembris, Mauritius Macri magistratum maximum potitus est cum 51.34% contra 48.66% suffragiorum, quae pro Scioli lati sunt[27].

Inter acerbas discordias quae in tradenda potestate cum praeside Christina ortae sunt[28] [29], Mauritius Macri munus rei publicae regendae accepit meridie 10 Decembris quando ius iurandum dedit coram Parlamento infrequenti[30] [31], cum magna pars propter discordias abfuerit. Cum Macri ad iudices provocavisset et ab iis consecutus esset inauditam sententiam quae et praesidi Christinae Kirchner media nocte 9 Decembris munus dimisit et rem publicam 12 horas supremo moderatore carentem reddidit, legislatores factionis Frente para la Victoria abesse censuerunt[32]. Postquam praeses Macri publicorum legatorum curiam reliquit, ad Domum Roseam petivit ibique ornamenta muneris sumpsit atque sibi iure iurando ministros obstrinxit[33].  

Iam primo mense regiminis inter plerosque constabat Macri consilium fovendi capitalismi effrenati (neoliberalismi) cepisse atque libidinem damni compensandi et anxietatem ut actiones regiminis praecedentis deleantur praesidem obsedisse[34].  

Cum publica moderatio negotiorum dollariis factorum (quae “compedes” nominabatur) solvisset[35], pensi (monetae nationalis) 40% vim minuit[36]. Tributis ex agrariis exportationibus a regimine remotis, pretium annonarum nimis auctum est[37] [38]; cives vilitate nummorum a mense Decembri usque ad hunc diem magis magisque laborant, cum pretia contineri nondum assecutum sit[39].  

Parlamenti sessionibus aestate interruptis, etiamsi praesidi actiones urgentes necesse essent, legislatores tamen ad sessiones extraordinarias non convocavit, cum maior pars eorum adversarii sint. Decretis igitur, quae leges Parlamenti saepe emendant aut substituunt, rem publicam regere constituit[40] [41]. Die 14 Decembris duos iudices Maximi Tribunalis, qui tantum ad Senatum referendo nominari possunt, per decretum creavit[42] [43]. Item die 4 Ianuarii 2016 legem de instrumentis divulgationis moderandis, cui amplissima pars totius Parlamenti suffragata anno 2010 erat, per decretum mutavit[44] [45]. Adhuc autem sunt iudices qui rei publicae in iure innixae adsunt, quamobrem bellum iudiciarium contractum est.    

Cum ad neoliberalia consilia efficenda grande aes alienum facere opus esset[46][47], ideo iam primo mense ad rem publicam minuendam turba circiter 28.000 operariorum (quorum 18.000 in procuratione rei publicae operati erant), praesertim propter politicam opinionem[48], a regimine dimissa est[49][50] (cum tertius mensis regiminis compleretur, numerus dimissionum creverat usque ad 100.000)[51]. Protestationibus ubique ortis, magna cum vi operarios repressi et multi homines a vigilibus icti sunt: in autovia quae ad aëroportum internationalem Bonaëropolitanum ducit die 21 Decembris 2015[52]; die 6 Ianuarii 2016 in domo municipali urbis iuxta Cordubam quae Unquillo nominatur[53]; in domo municipali Argyropolitana die 8 Ianuarii[54][55].

Propter modum per decretos regendi qui et Parlamentum neglegit neque sententiis iudicum paret[56], cum consuetudo reprimendi et propter politicam opinionem discriminandi increbuisset atque nonnulla iura humana laesisset, manifestationes populares in urbibus totius civitatis fere quotidie feruntur[57], atque iam horum periculi signorum causa ad conventiones internationales (e. g. ad Conventionem Americanam de Iuribus Humanis) provocatum est[58], et aliquot instrumenta comunicationis hic illic sollicita, subitaneam rerum conversionem aut novum genus dictaturae esse censent[59][60].

Nexus interni

Notae

[recensere | fontem recensere]
  1. ↑ "Mauricio Macri: la verdadera historia" apud R24N Noticias (9 Ianuarii 2016).
  2. ↑ "Dolarizar las deudas" apud Página/12 (22 Martii 2015)
  3. ↑ "El Capitán Veto: los derechos sociales que suprimió Macri" apud Infojus Noticias (12 Iulii 2013)
  4. ↑ "Denuncia contra Macri por fraude en las licitaciones de metrobus y las bicisendas" apud Télam (22 Augusti 1012)
  5. ↑ "Piden una "investigación exhaustiva" del costo del Metrobus" apud La Nación (1 Octobris 2013)
  6. ↑ "En la Ciudad de Buenos Aires, 7 de cada 10 contrataciones evitan la licitación pública" apud Radio Nacional (15 Septembris 2015)
  7. ↑ "2015 OECD Latin American Economic Outlook 2015: Education, Skills and Innovation for Development"
  8. ↑ "Preguntas y respuestas sobre la Educación porteña (1)" apud Chequeado: la verificación del discurso público (22 Martii 2013)
  9. ↑ "Macri gastó en salud, educación y vivienda ocho veces menos que en publicidad" apud Télam (23 Septembris 2015)
  10. ↑ "¿Qué esconde Macri detrás del cierre de las escuelas?" apud 24CON (2012)
  11. ↑ "Michetti: “Hemos logrado hacer 31 escuelas nuevas en la Ciudad de Buenos Aires”" apud Chequeado: la verificación del discurso público (16 Augusti 2013)
  12. ↑ “En ocho años, Macri no construyó ni un solo hospital y bajó el presupuesto para Salud apud Télam (14 Aprilis 2015)
  13. ↑ "Cerruti: "Las cifras de la mortalidad infantil en la Ciudad de Buenos Aires son escandalosas moralmente"" apud Télam (7 Aprilis 2015)
  14. ↑ "La Ciudad de Buenos Aires es el único distrito que no mejoró los índices de mortalidad infantil en estos ocho años" apud Política Argentina (16 Novembris 2015)
  15. ↑ "Más para la Metropolitana, menos para viviendas" apud La Izquierda Diario (2 Octobris 2014)
  16. ↑ "Seguridad: En 2015 habrá 1.100 policías más en la Ciudad" apud Legislatura de la Ciudad Autónoma de Buenos Aires Noticias (11 Novembris 2014)
  17. ↑ "Día de fuego y sangre en el sur de la ciudad" apud Página/12 (8 Decembris 2010)
  18. ↑ "¿Qué sucedió? Parque Indoamericano" apud Red Nacional de Medios Alternativos (7 Iulii 2012)
  19. ↑ "Feroz represión de la Policía Metropolitana en el Borda" apud Perfil.com (27 Aprilis 2013)
  20. ↑ "Denuncia penal contra Macri por la represión en el Hospital Borda" apud Télam (29 Aprilis 2013)
  21. ↑ "Argentina: Candid talk from Buenos Aires Mayor Mauricio Macri on current political environment" apud Wikileaks - Public Library of US Diplomacy (14 Augusti 2008)
  22. ↑ “Ahora estamos entrenados para saber cómo son las cosas” apud Página/12 (7 Iunii 2015)
  23. ↑ 2002 Carlos Gabetta La deblacle de Argentina apud Google Books
  24. ↑ Argentina - Población bajo el nivel de pobreza - Cuadros de Datos Históricos Anuales apud index mundi
  25. ↑ Elecciones PASO - Resultados definitivos apud Dirección Nacional Electoral
  26. ↑ Elecciones Generales - Resultados definitivos apud Dirección Nacional Electoral
  27. ↑ Segunda vuelta presidencial - Consulta del escrutinio definitivo apud Dirección Nacional Electoral
  28. ↑ "Traspaso de mando en Argentina sigue en ascuas" apud Sputnik News (9 Decembris 2015)
  29. ↑ "El enojo de Cristina Fernández con Mauricio Macri y otros enredos de la asunción presidencial en Argentina" apud BBC Mundo (7 Decembris 2015)
  30. ↑ "Ausencias, presencias, atuendos y aplausos" apud Página/12 (11 Decembris 2015)
  31. ↑ "La ausencia del FpV en la Asamblea Legislativa" apud Perfil.com (10 Decembris 2015)
  32. ↑ "Diputados del FpV no asistirán a la jura de Macri y rechazan el fallo de Servini" apud Télam (9 Decembris 2015)
  33. ↑ "Macri juró como presidente: llamó a la unidad nacional y condenó la corrupción y los jueces militantes" apud La Nación (10 Decembris 2015)
  34. ↑ "New Argentine president flexes muscle, quickly reverses leftist predecessor’s policies" apud The Washington Times (29 Decembris 2015)
  35. ↑ "Venta libre de dólares, presos de las consecuencias" apud Página/12 (17 Decembris 2015)
  36. ↑ "La abrupta devaluación del peso argentino de más del 30% en un solo día" apud BBC Mundo (17 Decembris 2015)
  37. ↑ "Eliminación de retenciones" apud Página/12 (14 Decembris 2015)
  38. ↑ "La inflación, de mal en peor" apud Página/12 (8 Ianuarii 2016)
  39. ↑ "Alza de la cesta básica de consumo" apud Página/12 (13 Ianuarii 2016)
  40. ↑ "Cómo serán y por qué Macri decidió gobernar 100 días por decreto" apud Política argentina (12 Decembris 2015)
  41. ↑ "Argentina: Mauricio Macri anti-democratic decrees backfires[nexus deficit]" apud Politicoscope (12 Ianuarii 2016)/
  42. ↑ "Constitucionalistas y opositores criticaron a Mauricio Macri por nombrar jueces para la Corte por decreto" apud Infobae (15 Decembris 2015)
  43. ↑ "Judge blocks Macri’s S. Court appointments" apud Buenos Aires Herald (21 Decembris 2015)
  44. ↑ "El gobierno disolvió la AFSCA y se propone anular la Ley de Medios" apud Página/12 (30 Decembris 2015)
  45. ↑ "Macri evades to Congress and change media law by Decree[nexus deficit]" apud Popular Newspaper
  46. ↑ Macri: "Hay que endeudarse todo lo que podamos" apud La política online (9 Octobris 2015)/
  47. ↑ "El gobierno de Macri, a punto de obtener US$ 8000 millones del exterior" apud La Nación (10 Decembris 2015)
  48. ↑ "El único indicador es el de despedidos" apud Página/12 (13 Ianuarii 2016)
  49. ↑ "El mapa de los despidos de Macri" apud El destape (7 Ianuarii 2016)
  50. ↑ "Los despidos siguen en la agenda oficial" apud Página/12 (13 Ianuarii 2016)
  51. ↑ "Se perdieron más de 100.000 empleos en lo que va del año" apud La Nación (8 Martii 2016)
  52. ↑ "Un obrero herido grave en el desalojo de Gendarmería a la protesta de Cresta Roja" apud Télam (22 Decembris 2015)
  53. ↑ "Unquillo: Infantería reprimió a los trabajadores municipales" apud La Izquierda diario (6 Ianuarii 2016)
  54. ↑ "Del amarillo PRO al rojo de la represión" apud Página/12 (9 Ianuarii 2016)
  55. ↑ "Polémica en Argentina por la primera represión violenta de despedidos" apud El País (9 Ianuarii 2016)
  56. ↑ “Gobierna al margen de la ley” apud Página/12 (13 Ianuarii 2016)
  57. ↑ "Miles de personas se movilizaron en Argentina contra gobierno de Macri" apud El País (12 Ianuarii 2016)
  58. ↑ "Un reclamo ante la CIDH" apud Página/12 (5 Ianuarii 2016)
  59. ↑ "Argentina: A Quiet Neoliberal Coup d’Etat in Latin America’s Southern Cone" apud Global Research (1 Decembris 2015)
  60. ↑ "„Schleichender Staatstreich“ in Argentinien und der Mainstream schweigt oder jubelt" apud RT Deutsch (7 Ianuarii 2016)

Bibliographia

[recensere | fontem recensere]

Nexus externi

[recensere | fontem recensere]
Vicimedia Communia plura habent quae ad Mauritium Macri spectant.
Duces et praesides Argentinae 1916–

Hippolytus Yrigoyen • Marcellus Torquatus de Alvear • Hippolytus Yrigoyen • Iosephus Felix Uriburu • Augustinus Petrus Justo • Robertus Maria Ortiz • Ramón Castillo • Arthurus Rawson • Petrus Paulus Ramírez • Edelmirus Iulianus Farrell • Ioannes Perón • Eduardus Lonardi • Petrus Eugenius Aramburu • Arthurus Frondizi • Iosephus Maria Guido • Arthurus Humbertus Illia • Ioannes Carolus Onganía • Robertus M. Levingston • Alexander Augustinus Lanusse • Hector Iosephus Cámpora • Radulphus Albertus Lastiri • Ioannes Perón • Isabella Martínez de Perón • Georgius Raphael Videla • Robertus Eduardus Viola • Leopoldus Galtieri • Reinaldus Bignone • Radulphus Alfonsín • Carolus Menem • Ferdinandus de la Rúa • Adolphus Rodríguez Saá • Eduardus Duhalde • Nestor Kirchner • Christina Fernández de Kirchner • Mauritius Macri • Albertus Fernández • Xaverius Milei

Consilium ministrorum Argentinense Mauritii Macri 2015–2019
Praeses consilii

Marcus Peña

Ministri

Anscharius Aguad • Ioannes Iosephus Aranguren • Paulus Avelluto • Linus Barañao • Sergius Bergman • Patricia Bullrich • Stephanus Bullrich • Ricardus Buryaile • Franciscus Cabrera • Aloisius Caputo (2016–) • Gulielmus Dietrich • Nicolaus Dujovne (2016–) • Rogerius Frigerio • Germanus Garavano • Andreas Ibarra • Georgius Lemus • Susanna Malcorra (2015–2017) • Iulius Martínez • Alphonsus Prat-Gay (2015–2016) • Gustavus Santos • Carolina Stanley • Georgius Triaca

Gubernatores urbis Boni Aëris

Ferdinandus de la Rúa 1996 • Henricus Olivera 1999 • Hannibal Ibarra 2000 • Georgius Telerman 2006 • Mauritius Macri 2007 • Horatius Rodríguez Larreta 2015 • Georgius Macri 2023

Receptum de "https://la.wikipedia.org/w/index.php?title=Mauritius_Macri&oldid=3770655"