Pustoosero
Pustoosero[1] (Russice Пустозерск, tr. Pustozersk), saepe etiam Gorodok[2] (scilicet oppidum, arx parva) fuit urbs Russiae septentrionalis. In delta Petschorae fluminis, in ripa lacus Pustoje[3], ubi Gorodetskij Šar, Petschorae ramus, e lacu effluit, situm erat. Ripa Alba urbs hodierna 20 chm a loco Pustoosero priscae distat.
Locus: 67°32′11″N 52°35′11″E
Numerus incolarum: 0
Zona horaria: UTC+3
Situs interretialis
Gestio
Historia
recensereAnno 1499 iussu Ioannis Magni arx contra Nenetos condita est (quamvis et reliquiae coloniae antehac hic sitae inveniuntur). Mercaturae gratis colonia crescebat; circulus Pustooserensis saeculo XVII a Mesen flumine ad Urales et a Wytschegda ad mare Barentsianum patebat.
Regno Casanensi victo itinera in Siberiam breviora aperta sunt. Gorodetskij Šar arena opertus a saeculo XVIII tenuiore aqua fluebat et naves ad urbem adire non poterant. Anno 1762 arx Pustooserensis destructa est; anno 1780 circuli caput pro Pustoosero Mesenia facta est. Anno 1924, cum Ripa Alba aedificari incepisset, Pustoosero nomen urbis perdit; anno 1962 tota relicta est (Agrippina Andronici filia Koževina incola postrema fuit).
Saeculo XVII Pustoosero etiam exsilii locus habebatur; multi tumultuarii huc missi sunt, quorum et Habacuc Petri filius erat. Ille et librum de vita sua hic composuit et supplicio hic affectus est.
Notae
recensere- ↑ Sigismundi Herbersteinii Rerum Moscoviticarum commentarii, Antverpiae 1557, p. 87.
- ↑ Gorodecum, — Henrici Scherer Tabellae geographicae, Monachii 1703, p. 171.
- ↑ Scilicet vacuus, inanis.
Nexus externi
recensereSitus geographici et historici: Locus: 67°32′11″N 52°35′11″E • GeoNames |