Roems-Kathelieke Kèrk: Versjèl tösje versies
K Robot Debie: hif:Roman Catholic Church |
K Robot Debie: hy:Հռոմի Կաթոլիկ եկեղեցի |
||
Tekslien 76: | Tekslien 76: | ||
[[hr:Rimokatolička Crkva]] |
[[hr:Rimokatolička Crkva]] |
||
[[hu:Római katolikus egyház]] |
[[hu:Római katolikus egyház]] |
||
[[hy:Հռոմի Կաթոլիկ եկեղեցի]] |
|||
[[ia:Ecclesia Catholic]] |
[[ia:Ecclesia Catholic]] |
||
[[id:Gereja Katolik Roma]] |
[[id:Gereja Katolik Roma]] |
Versie op 13 mrt 2011 18:22
Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.
De Roems-Kattelieke Kèrk (vaan Grieks katholikos, "algemein") is de groetse vaan de Kattelieke Kerke en ouch vaan alle Christeleke kèrkgenootsjappe. Ze heet mie es ein miljard lejer. Ouch in Limburg is 't de groetste religie. De Roems-Kattelieke Kèrk claimp de einege orzjineel christeleke kèrk te zien, die rechstreiks aofstamp vaan de lier vaan Zjezus Christus en de door häör volgelinge gestiechte kèrk. Inderdaod waor d'n apostel Petrus d'n ierste paus en daomèt de veurluiper vaan de huidege kèrkprins. De paus resideert sinds de daog vaan Christus in Roeme. Op dit momint (2005) is Benedictus XVI paus. 't Machscentrum vaan de Roems-Kattelieke Kèrk weurt 't Vaticaan geneump.
Lier
De basis vaan de religie is, wie bij de aander christeleke genootsjappe, de Biebel. Umtot de kèrk evels in de loup vaan de iewe veur väöl praktische probleme kaom te stoon, hèlt me ouch oetsprake vaan 't Vaticaan, zoegeneumde dogmata, es riechsneur veur de religie aon. Dao-in versjèlt de kèrk vaan 't protestantisme. De lier sjrief veur tot Zjezus de lejer vaan de kèrk opreup ziech op 'n zeker meneer te gedraoge nao de medemins touw.
Sacreminte
De kattelieke kèrk kint zeve zoegeneumde sacreminte. Dat zien rituele die betrèkking höbbe op veurnaom gebäörtenisse in 't leve die d'n aondach vaan de gelouvege verdene en boebij dee bij zien religie betrokke weurt. De sacreminte weure ummer door 'ne priester aofgenome. De zeve sacreminte zien:
- Doupsel
- Vörmsel
- Eucharistie
- Beech
- Bedeend weure of Krankezaving en heilege olie
- Wijing tot diake, preester of biesjop (Heilege Orders)
- Matrimonium of Trouwe veur de kèrk
Minse die ziech hendeg verdeenstelek höbbe gemaak veur de religie en door de kèrk geach weure einege mirakele te höbbe laote gebäöre, kinne heileg verklaord weure. Dat hèlt in tot dee persoen in de kèrk verierd maag weure. Heilege höbbe ummer 'ne fiesdaag veur ziech. De paus deit de heilegverklaoringe, die nao 'n gecompliceerde proceduur gedoon weure. Iers moot de persoen zaoleg verklaord weure. Daan doon twie funksjenaere, promotores fides, häör wèrk: d'n eine zeuk rejes veur de zalege heileg te verklaore, d'n aandere brink zoeväöl meugelek arguminte bijein boeveur dee neet heileg verklaord maag weure. Officieus weure ze avvekaot vaan God en avvekaot vaan d'n Duvel geneump. Daonao nump de paus e besloet.
Hiërarchie
De Roems-kattelieke kèrk is hiërarchisch opgebouwd. Bovenaon steit, wie gezag, de paus. Rech oonder häöm stoon de kardinale, die deil oetmake vaan de Romeinse Curie. Kèrkprovincies, boe-in de gaanse wereld is eingedeild, weure besteurd door eertsbisjoppe. Kèrkprovincies zien zelf in bisdomme verdeild, die alle door bisjoppe besteurd weure. Ouch de eertsbisjoppe en de paus höbbe häör eige bisdom; de paus is bisjop vaan Roeme. Bisjoppe zien formeel de opvolgers vaan de apostele. 'n Bisdom is verdeild in deikenate boe 'nen deike de leiding gief. 'n Deikenaat besteit oet mierder parochies. De pestoer is 'ne preester dae leiding gief in 'n parochie. Hae weurt geassisteerd door ein of mierder kepläöns of diakes. 'ne Keplaon is 'ne gewijde preester. 'ne Diake heet de ierste van de drei preesterwijinge gehad. Terwiel alle geistelike ziech aon 't celibaat mote houwe, maog 'ne getrouwde man waal diake weure.