Gène Eggen
- Dit artikel is gesjreve in 't Gelaens. Ómdat 't plaatsgebónge is, maogs doe 't ómzètte nao 't Meersjes, es te dit dialek sjpriks.
Gène Eggen (gebaore 5 april 1921 in Ulesjtraote, gesjtórve 10 fibberwarie 2000 in Mesjtreech) waas 'ne Nederlands Limburgse beeldend kunstenaer. Hae waas 'ne väölziejige kunstenaer, actief es teikenaer, kunssjilder, monementaal vormgaever, graficus en beeldjhouwer. Veur väöl luuj waas hae primair 'ne beeldjhouwer. Zelf zaog hae zich meë es sjilder zoa-es hae vertèlde in 'ne film van Maurice Nijsten oet 2002uver zien laeve.
Hae sjtudeerde in de aorlogsjaore (1943) aan de Rieksacademie veur beeldende Kunste in Amsterdam. Ziene groate leërmeister waas professor Heinrich Campendonk. Ónger zien jaorgenote ware ónger angere Karel Appel, Corneille en Pieter Defesche.
